ന്യൂ ഡെൽഹി: ജസ്റ്റിസ് അരുൺ മിശ്ര ദേശീയ മനുഷ്യാവകാശ കമ്മിഷൻ ചെയർമാനായേക്കും. പ്രധാനമന്ത്രി നരേന്ദ്രമോദി അധ്യക്ഷനായ ഉന്നതാധികാര സമിതിയുടേതാണ് ശിപാർശ. എന്നാൽ, സമിതി അംഗമായ രാജ്യസഭാ പ്രതിപക്ഷ നേതാവ് മല്ലികാർജുൻ ഖാർഗെ നിർദ്ദേശത്തോട് വിയോജിച്ചു.
കഴിഞ്ഞ ഡിസംബർ മുതൽ ചെയർമാൻ സ്ഥാനം ഒഴിഞ്ഞുകിടക്കുകയാണ്. ജഡ്ജിയായിരിക്കെ അരുൺ മിശ്ര പ്രധാനമന്ത്രി നരേന്ദ്രമോദിയെ പുകഴ്ത്തിയത് ഏറെ വിവാദമായിരുന്നു. മുൻ ജമ്മുകശ്മീർ ഹൈക്കോടതി ചീഫ് ജസ്റ്റിസ് മഹേഷ് മിത്തൽ കുമാർ, മുൻ ഇന്റലിജൻസ് മേധാവി രാജീവ് ജെയിൻ എന്നിവരെ ഉന്നതാധികാര സമിതി അംഗങ്ങളായും ശിപാർശ ചെയ്തിട്ടുണ്ട്. സർക്കാരിന്റെ ഔദ്യോഗിക തീരുമാനം ഉടൻ പുറത്തിറങ്ങും.
You must be logged in to post a comment Login