തിരുവനന്തപുരം: സംസ്ഥാനത്ത് ഇന്ന് മുതൽ അധിക നിയന്ത്രണങ്ങൾ പ്രാബല്യത്തിൽ. ടെസ്റ്റ് പോസിറ്റിവിറ്റി നിരക്ക് കുറയ്ക്കുന്നതിനായി ഇന്ന് മുതൽ ബുധൻവരെയാണ് അധിക നിയന്ത്രണങ്ങൾ ഏർപ്പെടുത്തിയിരിക്കുന്നത്.
അവശ്യ വസ്തുക്കളുടെ കടകൾ, വ്യവസായ സ്ഥാപനങ്ങൾക്ക് ആവശ്യമായ അസംസ്കൃത വസ്തുക്കളും മറ്റും വിൽക്കുന്നസ്ഥാപനങ്ങൾ, നിർമാണസാമഗ്രികൾ വിൽക്കുന്ന കടകൾ, മെഡിക്കൽ സ്റ്റോറുകൾ എന്നിവയ്ക്ക് പ്രവർത്തിക്കാം.
ജ്വല്ലറി, തുണിക്കടകൾ അടക്കമുള്ളമറ്റ് വിപണന സ്ഥാപനങ്ങൾ തുറക്കരുത്. ഹോട്ടലുകൾക്ക് നേരത്തെയുള്ളത് പോലെ പാഴ്സൽ കൗണ്ടറുകളുമായി പ്രവർത്തിക്കാം. സർക്കാർ, അർദ്ധസർക്കാർ സ്ഥാപനങ്ങൾ, പൊതുമേഖലാസ്ഥാപനങ്ങൾ, തുടങ്ങിയവക്ക് 50 ശതമാനം ഉദ്യോഗസ്ഥരെ ഉൾപ്പെടുത്തി വ്യാഴാഴ്ച മുതൽ പ്രവർത്തനമാരംഭിക്കാൻ അനുമതി നൽകി.
മാലിന്യം നീക്കം ചെയ്യുന്ന തൊഴിലാളികൾക്ക് പ്രവർത്തനാനുമതി നൽകി. ടെസ്റ്റ് പോസിറ്റിവിറ്റി നിരക്ക് ഇന്നലെ 15 ശതമാനത്തിൽ താഴെയെത്തിരുന്നു.
You must be logged in to post a comment Login