കണ്ണൂർ: രോഗിയുമായി പോയ ആംബുലൻസ് അപകടത്തിൽ പെട്ട് മൂന്ന് പേർ മരിച്ചു. പയ്യാവൂരിൽ നിന്നും വരികയായിരുന്ന ആംബുലൻസ് എളയാവൂരിൽ നിയന്ത്രണം നഷ്ടമായി വാഹനം മരത്തിലിടിച്ചായിരുന്നു അപകടമുണ്ടായത്. ആംബുലൻസ് ഡ്രൈവർ ഉൾപ്പെടെ രണ്ടു പുരുഷന്മാരും ഒരു സ്ത്രീയുമാണ് മരിച്ചത്.
ഇന്ന് പുലർച്ചെ 5.30 യോടെ രോഗിയുമായി ജില്ലാ ആശുപത്രിയിലേക്ക് പോകുകയായിരുന്നു. വാഹനത്തിൽ നാലു പേർ ഉണ്ടായിരുന്നതാണ് വിവരം. ചന്ദനാക്കാംപാറ സ്വദേശികളാണ് മരണമടഞ്ഞവരെല്ലാം. ബിജോ, റെജീന, ആംബുലൻസ് ഡ്രൈവർ നിധിൻരാജ്, എന്നിവരാണ് മരണമടഞ്ഞത്. പരിക്കേറ്റ ബെന്നി എന്നയാളുടെ നില ഗുരുതരമാണ്.
ആംബുലൻസിൽ നിന്നും ഇവരെ പുറത്തെടുക്കാൻ നാട്ടുകാർ ശ്രമിച്ചെങ്കിലും നടന്നില്ല. തുടർന്ന് അഗ്നിശമന വിഭാഗം എത്തിയാണ് എല്ലാവരേയും പുറത്തെടുത്തത്. അപകട കാരണം വ്യക്തമല്ല.
You must be logged in to post a comment Login