തിരുവനന്തപുരം: നടിയും ലക്ഷദ്വീപ് സ്വദേശിനിയുമായ ഐഷ സുൽത്താനയ്ക്ക് എതിരെ പരാതി നൽകി യുവമോർച്ച നേതാവ് പ്രശാന്ത് ശിവൻ. കേന്ദ്രസർക്കാർ ലക്ഷദ്വീപിൽ ബയോ വെപ്പൺ ഉപയോഗിച്ചെന്ന വിവാദ പരാമർശത്തിനെതിരെയാണ് പ്രശാന്ത് ശിവൻ പരാതി നൽകിയത്. ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം അറിയിച്ചത്.
മീഡിയ വൺ ചാനലിൽ നടന്ന ചർച്ചയിൽ പങ്കെടുത്തപ്പോഴാണ് ഐഷ സുൽത്താന രാജ്യദ്രോഹ പരാമർശം നടത്തിയത്. കൊറോണയെ കേന്ദ്രസർക്കാർ ബയോ വെപ്പണായി ഉപയോഗിച്ചെന്നായിരുന്നു ഐഷയുടെ പരാമർശം. ഐഷ സുൽത്താനയുടെ വിവാദ പരാമർശത്തിനെതിരെ വലിയ പ്രതിഷേധമാണ് ഉയർന്നത്.
ഫേസ്ബുക്ക് പോസ്റ്റിന്റെ പൂർണരൂപം
ഇന്ത്യൻ മെയിൻ ലാൻഡ് ലക്ഷദ്വീപിൽ ബയോവെപ്പൺ – ജൈവ ആയുധം ഉപയോഗിച്ചു എന്ന് ബോധം അശേഷം ഇല്ലാതെ മീഡിയവൺ ചാനലിൽ വന്നിരുന്നു ഗീർവാണം അടിച്ചു പോയ ഐഷ സുൽത്താനക്ക് എതിരെ പരാതി നൽകി.
ചാനൽ ചർച്ചകളിൽ വന്നിരുന്നു രാജ്യദ്രോഹ പരാമർശം നടത്തിയാൽ കയ്യും കെട്ടി നോക്കി ഇരിക്കാൻ ആവില്ല.
You must be logged in to post a comment Login