ന്യൂ ഡെൽഹി: കൊടകര കുഴൽപ്പണക്കേസ് എൻഫോഴ്‌സ്‌മെന്റ് ഡയറക്ടറേറ്റ് ഉടൻ ഏറ്റെടുത്തേക്കും. ഇതിനായി ഡെൽഹിയിൽ നിന്നും ബന്ധപ്പെട്ട അനുമതിയെല്ലാം ഇഡിക്ക് ലഭിച്ചുകഴിഞ്ഞതായാണ് വിവരം.
ഒരാഴ്ചയ്ക്കുള്ളിൽ തന്നെ ഇഡി അന്വേഷണം ആരംഭിച്ചേക്കുമെന്നാണ് റിപ്പോർട്ടുകൾ. നിലവിലെ അന്വേഷണത്തിന്റെ വിശദാംശങ്ങൾ പഠിച്ച ശേഷം ഇഡി പ്രാഥമിക അന്വേഷണവും തുടരന്വേഷണവും നടത്തും. കള്ളപ്പണ നിരോധനനിയമപ്രകാരമായിരിക്കും കേസ്.
ഡെപ്യൂട്ടി ഡയറക്ടർ റാങ്കിലുള്ള ഐആർഎസ് ഉദ്യോഗസ്ഥന്റെ നേതൃത്വത്തിലുള്ള കൊച്ചിയിലെ സംഘത്തെയാണ് കേസന്വേഷണത്തിനായി ചുമതലപ്പെടുത്തുകയെന്നാണ് റിപ്പോർട്ട് .
കള്ളപ്പണ കവർച്ച നടന്നത് കോഴിക്കോട് ഇഡി ഓഫീസിന്റ പരിധിയിലാണ്. എങ്കിലും കൊച്ചിയിലെ ജോയിന്റെ ഡയറക്ടറുടെ മേൽനോട്ടത്തിൽ അന്വേഷണം മുന്നോട്ടുകൊണ്ടുപോകാനാണ് ഉന്നതരുടെ നിർദ്ദേശം.
You must be logged in to post a comment Login