കിളിമാനൂർ :സൗദി അറേബ്യയിൽ വച്ചു മാർച്ച് 19 ന് മരണമടഞ്ഞ കിളിമാനൂർ കക്കാകുന്നു സ്വദേശി ബിജുവിന്റെ കുടുംബത്തെ സഹായിക്കാൻ ആവുന്നതെല്ലാം ചെയ്യുമെന്നും ആലത്തൂകാവ് ഫ്രണ്ട്‌സ് റെസിഡന്റ്‌സ് അസോസിയേഷനും തിരുവനന്തപുരം കേന്ദ്രമാക്കി പ്രവർത്തിക്കുന്ന കലേഷ് ബാബു ഫൌണ്ടേഷനും ബിജുവിന്റെ കുടുംബത്തെ സഹായിക്കുന്നതിൽ സ്തുത്യയർഹമായ സേവനമാണ് കാഴ്ച്ച വച്ചത് എന്നും ആറ്റിങ്ങൾ MLA. ശ്രീമതി O. S . അംബിക പറഞ്ഞു.
ശ്രീ ബിജുവിന്റെ ഭൗതികശരീരം എത്രയും പെട്ടെന്നു നാട്ടിൽ എത്തിക്കുവാൻ വേണ്ട നടപടികൾ സ്വീകരിക്കുമെന്നും ബിജുവിന്റെ ഭാര്യ രാജിയെ വീട്ടിലെത്തി MLA അറിയിച്ചു. തിരുവനന്തപുരത്തുവച്ചു ബിജു മരണപ്പെട്ട അതേ ദിവസമായ മാർച്ച് 19 ന് വാഹനാപകടത്തിൽ മരണമടഞ്ഞ ശ്രീ.ശശീന്ദ്ര ബാബു – കല ദമ്പതികളുടെ മകൻ കലേഷ് ബാബുവിന്റെ സ്മരണർത്ഥം പരേതന്റെ കുടുംബം ജീവകാരുണ്യ പ്രവർത്തനങ്ങൾക്കു രൂപീകരിച്ച കലേഷ് ബാബു ഫൗണ്ടഷൻ മരണമടഞ്ഞ ബിജുവിന്റെ മകൾ കുമാരി ശിവാനിയുടെ വരുന്ന മൂന്ന് വർഷത്തെ വിദ്യാഭ്യാസ ചെലവുകൾ ഏറ്റെടുത്തുകൊണ്ടുള്ള സമ്മത പത്രവും ആദ്യ ഗഡു വിദ്യാഭ്യാസ സഹായവും ഫൗണ്ടഷന്റെ പ്രവർത്തനാ രാംഭവും ആറ്റിങ്ങൽ എം. എൽ. എ ശ്രീമതി. ഓ എസ്. അംബിക നിർവഹിച്ചു.
എഞ്ചിനീയറിംഗ് ബിരുദധാ രിയായിരുന്ന കലേഷ് ബാബു തിരുവനന്തപുരം കേന്ദ്രമാക്കി പ്രവർത്തിക്കുന്ന വൈകുണ്ഡം ഗജ സേവാ സംഘം പ്രസിഡന്റ്‌ കൂടിയായിരുന്നു. ഒട്ടനവധി ജീവകാരുണ്യ പ്രവർത്തനങ്ങൾക്ക് നേതൃത്വം നൽകി വരവെയായിരുന്നു കലേഷ് ബാബുവിന്റെ ആകസ്മികമായ അന്ത്യം. ബിജുവിന്റെ കുടുംബത്തെ സഹായിക്കാൻ ഫ്രണ്ട്‌സ് റെസിഡന്റ്‌സ് അസോസിയേഷൻ സ്വരൂപ്പിച്ച കുടുംബ സഹായ ഫണ്ട്‌ കിളിമാനൂർ ഗ്രാമ പഞ്ചായത്ത്‌ പ്രസിഡന്റ്‌ ശ്രീ TR മനോജ്‌ കുടുംബത്തിന് കൈമാറി. ഫ്രണ്ട്സിന്റെ പഠനോപകരണ കിറ്റ് കിളിമാനൂർ ഗ്രാമ പഞ്ചായത്ത്അംഗം ശ്രീ. എ മുരളീധരൻ ശിവാനിക്ക് കൈമാറി. ചടങ്ങിൽ ജില്ലാ പഞ്ചായത്ത്‌ അംഗം ശ്രീമതി ബേബിസുധ, ഫ്രാക് പ്രസിഡന്റ്‌ ശ്രീ മോഹൻ വാലഞ്ചേരി സംസാരിച്ചു. യോഗത്തിൽ ശ്രീ സാബു, പ്രസിഡന്റ്‌, ഫ്രണ്ട്‌സ് ആദ്ധ്യക്ഷത വഹിച്ച യോഗത്തിൽ ജനറൽ സെക്രട്ടറി ശ്രീ.ജി ചന്ദ്രബാബു സ്വാഗതവും വൈസ് പ്രസിഡന്റ്‌ ശ്രീ ശശിധരൻ പിള്ള നന്ദിയും പ്രകാശിപ്പിച്ചു.
You must be logged in to post a comment Login