Connect with us

Hi, what are you looking for?

LATEST NEWS

വ്യാജ മൊബൈല്‍ ആപ്പുകള്‍ വഴി നിക്ഷേപ തട്ടിപ്പ്​; മലയാളിയടക്കം ഒമ്പതംഗ സംഘം അറസ്​റ്റില്‍

ബംഗളൂരു: വ്യാജ മൊബൈല്‍ ആപ്പുകള്‍ മുഖേന 290 കോടിയിലേറെ രൂപയുടെ നിക്ഷേപ തട്ടിപ്പ്​ നടത്തിയ ഒമ്പതംഗ സംഘം അറസ്​റ്റില്‍. മലയാളി ബിസിനസുകാരന്‍ അനസ്​ അഹമ്മദിന്‍റെ നേതൃത്വത്തിലുള്ള സംഘത്തെയാണ്​​ കര്‍ണാടക സി.ഐ.ഡിയുടെ സൈബര്‍ ക്രൈം വിഭാഗം പിടികൂടിയത്​.

കടലാസ് കമ്പനികളുടെ ഡയറക്ടര്‍മാരായി പ്രവര്‍ത്തിച്ച രണ്ടുവീതം ചൈനീസ്​, തിബത്തന്‍ പൗരന്മാരും ഡെൽഹി, സൂറത്ത്​ സ്വദേശികളായ നാലുപേരും അടക്കമാണ് അറസ്റ്റിലായത്. ക്ലിഫോര്‍ഡ് വെഞ്ചേഴ്​സ്​, ബുള്‍ ഫിഞ്ച് ടെക്‌നോളജീസ്, എച്ച്‌ ആന്‍ഡ് എസ് വെഞ്ചേഴ്​സ്​, എന്നീ പേരുകളില്‍ കടലാസ് കമ്പനികള്‍ രൂപവത്​കരിച്ചാണ്​ സംഘം തട്ടിപ്പിന്​ കളമൊരുക്കിയത്​.

അതെ സമയം അനസ് അഹമ്മദിന്റെ നേതൃത്വത്തില്‍ തുടങ്ങിയ ഓണ്‍ലൈന്‍ റമ്മി ആപ്പുകള്‍ പിന്നീട് നിക്ഷേപം സ്വീകരിക്കാന്‍ ‘പവര്‍ ബാങ്ക്’‍, ‘സണ്‍ ഫാക്ടറി’ എന്നീ ആപ്ലിക്കേഷനുകളാക്കി പേര്​ മാറ്റി. ഗൂഗ്​ള്‍ പ്ലേ സ്​റ്റോറിലടക്കം ഈ ആപ്പുകള്‍ ലഭ്യമായിരുന്നു. വന്‍ ലാഭവിഹിതം പലിശയും വാഗ്​ദാനം ചെയ്​ത്​ സമൂഹ മാധ്യമങ്ങളിലൂടെ പ്രചാരണം നടത്തിയ സംഘം തുടക്കത്തില്‍ ലാഭവിഹിതം നല്‍കിയതോടെ കൂടുതല്‍ പേര്‍ വലയില്‍ കുടുങ്ങി. കോടിക്കണക്കിന്​ രൂപ നിക്ഷേപമെത്തിയതോടെ ആപ്​ പിന്നീട്​ പ്രവര്‍ത്തനരഹിതമാക്കി മുങ്ങിയിരുന്നു .

ചൈനയില്‍ വിദ്യാഭ്യാസം പൂര്‍ത്തിയാക്കിയ അനസ് അഹമ്മദ് ചൈനീസ് യുവതിയെയാണ്​ വിവാഹം കഴിച്ചിട്ടുള്ളത്. ബിസിനസുകാരനായ ഇവരുടെ അക്കൗണ്ടിലേക്ക് 290 കോടി രൂപ എത്തിയതായും​ ചൈന കേന്ദ്രീകരിച്ച ഹവാല റാക്കറ്റുമായി അനസിന്​ ബന്ധ​മുണ്ടെന്നും​ അന്വേഷണ സംഘം കണ്ടെത്തി​​. റേസര്‍ പേ സോഫ്​റ്റ്​വെയര്‍ പ്രൈവറ്റ്​ ലിമിറ്റഡ്​ എന്ന ഒാണ്‍ലൈന്‍ സംരംഭത്തിന്റെ ഉടമകള്‍ നല്‍കിയ പരാതിയിലാണ്​ സി.ഐ.ഡി സൈബര്‍ ക്രൈം ഡിവിഷന്‍ എസ്.പി എം.ഡി. ശരത്തിന്‍റെ നേതൃത്വത്തിലുള്ള സംഘം പ്രതികളെ പിടികൂടിയത്.

ഗെയിമിങ്​, ഇ-കോമേഴ്​സ്​ ബിസിനസുകള്‍​ നടത്തുന്നെന്ന പേരില്‍ തങ്ങളെ സമീപിക്കുകയും പിന്നീട്​ ഇ-പേയ്​മെന്‍റ്​ സംവിധാനം വഴി സംഘം തട്ടിപ്പ്​ നടത്തുകയും ചെയ്​തെന്നാണ്​ പരാതി. അതെ സമയം തട്ടിപ്പിനെതിരെ കര്‍ണാടകയിലെ വിവിധ പൊലീസ്​ സ്​റ്റേഷനുകളിലും പരാതി ലഭിച്ചിട്ടുണ്ട്​.

‘പവര്‍ ബാങ്ക്​’ ആപ്ലിക്കേഷനിലൂടെ പണം നഷ്​ടമായവര്‍ കര്‍ണാടക സി.ഐ .ഡി സൈബര്‍ ക്രൈം വിഭാഗത്തെ സമീപിക്കണമെന്ന്​ പൊലീസ്​ അറിയിച്ചു. വന്‍ തുക ലാഭവിഹിതം നല്‍കുന്ന ആപ്ലിക്കേഷനുകളുടെ തട്ടിപ്പ് ​പ്രവര്‍ത്തനങ്ങളില്‍ ജാഗ്രത വേണമെന്നും പരിചിതമല്ലാത്ത വെബ്​സൈറ്റുകളില്‍നിന്ന്​ ആപ്ലിക്കേഷനുകള്‍ ഡൗണ്‍ലോഡ്​ ചെയ്യരുതെന്നും പൊലീസ്​ പൊതുജനങ്ങള്‍ക്ക് താക്കീത് നല്‍കി.

Click to comment

You must be logged in to post a comment Login

Leave a Reply

You May Also Like

KERALA NEWS

സംസ്ഥാനത്ത് നദികളിൽ നിന്നുള്ള മണൽവാരൽ പുനരാംഭിക്കുന്നു. റവന്യു സെക്രട്ടേറിയറ്റിന്റേതാണ് തീരുമാനം. കഴിഞ്ഞ 10 വർഷം മുടങ്ങിക്കിടക്കുകയായിരുന്നു. കേന്ദ്ര പരിസ്ഥിതി മന്ത്രാലയത്തിന്റെ മാർഗനിർദേശങ്ങൾക്ക് അനുസൃതമായി 2001ലെ കേരള പ്രൊട്ടക്‌ഷൻ ഓഫ് റിവർ ബാങ്ക്‌സ് ആൻഡ്...

KERALA NEWS

തലസ്ഥാനത്ത് രണ്ട് വയസുകാരിയെ തട്ടിക്കൊണ്ടുപോയ സംഭവത്തിൽ മേരിയുടെ അമ്മയെ സ്ഥലത്ത് കൊണ്ടുവന്ന് തെളിവെടുത്ത് പൊലീസ്. ഇവിടെ നിന്നും കുട്ടിയുടെ വസ്ത്രങ്ങൾ പൊലീസ് ശേഖരിച്ചു. അതേസമയം, സിസിടിവി ദൃശ്യം കേന്ദ്രീകരിച്ച് അന്വേഷണം നടത്തി വരികയാണ്...

KERALA NEWS

വയനാട് പുല്‍പള്ളിയിൽ ചേകാടി റോഡിലെ ചെറിയമല ജംഗ്ഷനില്‍ വെള്ളിയാഴ്ച രാവിലെ കാട്ടാന ആക്രമണത്തില്‍ ഗുരുതരമായി പരിക്കേറ്റത്തിനെത്തുടര്‍ന്നു മരിച്ച കുറുവ ടൂറിസം കേന്ദ്രം ജീവനക്കാരന്‍ പാക്കം വെള്ളച്ചാലില്‍ പോളിന്റെ പോളിന്റെ കുടുംബത്തിന് 50 ലക്ഷം...

KERALA NEWS

പാലക്കാട്: ഹൃദയാഘാതം മൂലം ഇരുപത്തിയാറുകാരന് ദാരുണാന്ത്യം. പാലക്കാട് കാഞ്ഞിരത്താണി കപ്പൂരിൽ പത്തായപ്പുരയ്ക്കൽ ഷെഫീക്ക് (26) ആണ് മരിച്ചത്. ഇന്ന് രാവിലെയാണ് സംഭവം.ഇന്നലെ രാത്രി ഉറങ്ങാൻ കിടന്ന ഷെഫീക്ക് പുലർച്ചെയോടെ ശാരീരിക അസ്വസ്ഥതകൾ പ്രകടിപ്പിച്ചിരുന്നു....