Vismaya News
Connect with us

Hi, what are you looking for?

LATEST NEWS

കൊറോണ ഭേദമായവർക്ക് തൽക്കാലം ഒരു ഡോസ് വാക്സിൻ മതിയെന്ന് പഠനം

ന്യൂ ഡെൽഹി: കൊറോണ ഭീതിയിൽ നിന്നും രക്ഷ നേടുന്നതിന് ലോകം മുഴുവനും വാക്സിനിൽ അഭയം തേടുന്ന ഈ സമയത്ത്, വാക്സിനുമായി ബന്ധപ്പെട്ട നിരവധി പഠനങ്ങളാണ് ശാസ്ത്രലോകത്ത് നടക്കുന്നത്. പലതും അത്ര ആഴത്തിലുള്ള പഠനമല്ല എന്നും പഠനത്തിന് നിരീക്ഷണ സ്വഭാവമാണുള്ളതെന്നും വിദഗ്ധർ പോലും വ്യക്തമാക്കിയിട്ടുണ്ട്. എന്തായാലും ഈ വർഷം അവസാനത്തോടെ രാജ്യത്ത് 18ന് വയസിന് മുകളിലുള്ള എല്ലാവരെയും വാക്​സിനേഷന്​ വിധേയമാക്കാനാണ്​ കേന്ദ്ര സർക്കാർ പദ്ധതിയിടുന്നത്.

കൊറോണ ഭേദമായവർക്ക് തൽക്കാലം ഒരു ഡോസ് വാക്സിൻ മതിയാകുമെന്നാണ് പുതിയ പഠനം. ഇത്തരക്കാരിലെ ആൻറിബോഡിയുടെ പ്രതികരണം ഉയർത്തിക്കാട്ടി ഹൈദരാബാദിലെ എഐജി ആശുപത്രി നടത്തിയ പഠനമാണ്​ ഇത്​ സൂചിപ്പിക്കുന്നത്​. ഇൻറർനാഷനൽ ജേണൽ ഓഫ്​ ഇൻഫെക്​ഷ്യസ് ഡിസീസസിലാണ്​​ പഠനം പ്രസിദ്ധീകരിച്ചത്.

ജനുവരി 16നും ഫെബ്രുവരി അഞ്ചിനും ഇടയിൽ കൊവിഷീൽഡ്​ വാക്​സിൻ സ്വീകരിച്ച 260 ആരോഗ്യപ്രവർത്തകരിലാണ്​ പഠനം നടത്തിയത്​. ഒരു ഡോസ് വാക്‌സിൻ സ്വീകരിച്ച കൊറോണ മുക്തരായവർ കൊറോണ​ ബാധിക്കാത്തവരെ അപേക്ഷിച്ച് കൂടുതൽ ആൻറിബോഡി പ്രതികരണം കാണിക്കുന്നുവെന്നാണ് പഠനം പറയുന്നത്.

കൊറോണ ബാധിച്ച ആളുകൾക്ക് ഒരു ഡോസ് ഉപയോഗിച്ച് തന്നെ രണ്ട് ഡോസുകൾക്ക് തുല്യമായി ശക്തമായ ആൻറിബോഡിയും മെമ്മറി സെൽ പ്രതികരണവും വികസിപ്പിക്കാൻ കഴിയും’- എ.ഐ.ജി ഹോസ്​പിറ്റൽസ് ചെയർമാൻ ഡോ. ഡി. നാഗേശ്വർ റെഡ്ഡി പറഞ്ഞു. സാമൂഹിക പ്രതിരോധം കൈവരിക്കാൻ ആവശ്യമായ ആളുകളെ വാക്​സിനേഷന്​ വിധേയമാക്കിയ ശേഷം രോഗ മുക്തരായവർക്ക്​​ രണ്ടാം ഡോസ്​ വാക്​സിൻ എടുക്കാമെന്നും ഡോ. റെഡ്ഡി കൂട്ടിച്ചേർത്തു.

Click to comment

You must be logged in to post a comment Login

Leave a Reply

You May Also Like

KERALA NEWS

വിവാഹം കഴിക്കുകയാണെങ്കില്‍ ആഡംബരമില്ലാതെ ലളിതമായ രീതിയില്‍ മതിയെന്ന് ശ്രീധന്യ സുരേഷ് നേരത്തെ തീരുമാനിച്ച കാര്യമാണ്. ജീവിതത്തില്‍ ഒരുപാട് മാറ്റങ്ങള്‍ വന്ന് ഐഎഎസുകാരിയായിട്ടും മുന്‍നിലപാട് മുറുകെ പിടിച്ച് മാതൃകയായിരിക്കുകയാണ് ശ്രീധന്യ.വയനാട്ടിലെ ആദിവാസി ജീവിതത്തിന്റെ വെല്ലുവിളികള്‍...

EDUCATION

സംസ്ഥാനത്തെ പൊതു വിദ്യാലയങ്ങളില്‍ ഇനി പത്താം ക്ലാസ് പ്രവേശനത്തിന് ഇനി സേ പരീക്ഷ നടത്തും. ഒമ്പതാം ക്ലാസിലെ വാര്‍ഷിക പരീക്ഷയില്‍ ഏറ്റവും താഴ്ന്ന ഗ്രേഡ് (ഡി, ഇ) നേടിയ വിദ്യാര്‍ത്ഥികള്‍ക്കാണ് അവധിക്കാലത്ത് ‘സേവ്...

WORLD

സമ്പൂര്‍ണ സൂര്യഗ്രഹണം നാളെ നടക്കും. വളരെ അനുഭവമായിരിക്കും ഈ സമ്പൂര്‍ണ സൂര്യഗ്രഹണമെന്നാണ് ഗവേഷകര്‍ കരുതുന്നത്. അതിനായി കാത്തിരിക്കുകയാണ് ശാസ്ത്രലോകവും. അരനൂറ്റാണ്ടിനിടയിലെ ഏറ്റവും ദൈര്‍ഘ്യമേറിയ സൂര്യഗ്രഹണമാണിത്. പക്ഷെ ഇന്ത്യയടക്കം പല ഏഷ്യന്‍ രാജ്യങ്ങളിലും ഇത്...

KERALA NEWS

തിരുവനന്തപുരം: നെയ്യാറ്റിൻകരയിൽ വാഹനാപകടത്തിൽ ഒരു മരണം. കെഎസ്ആര്‍ടിസി ബസ് കയറിയിറങ്ങി സ്കൂട്ടര്‍ യാത്രക്കാരിയാണ് കൊല്ലപ്പെട്ടത്. കൂവളശ്ശേരി സ്വദേശി ശ്രീജയാണ് മരിച്ചത്. സംഭവ സ്ഥലത്ത് തന്നെ മരണം സംഭവിച്ചു. ഷീജ സഞ്ചരിച്ച സ്കൂട്ടറിനെ ബസ്...