Vismaya News
Connect with us

Hi, what are you looking for?

LATEST NEWS

ആദ്യ ഡോസ് കൊവിഷീൽഡ്, രണ്ടാമത് നൽകിയത് കൊവാക്‌സിൻ!!

ചിറ്റൂർ: ആദ്യ ഡോസ് കൊവിഷീൽഡ് വാക്‌സിൻ ലഭിച്ച ഗ്രാമീണർക്ക് ആശുപത്രിയിൽ നിന്ന് രണ്ടാമത് നൽകിയത് കൊവാക്‌സിൻ. ആന്ധ്രാ പ്രദേശിലെ ചിറ്റൂർ ജില്ലയിലാണ് ആശുപത്രി അധികൃതരിൽ നിന്ന് ഗുരുതരമായ അനാസ്ഥയുണ്ടായത്. ചിറ്റൂരിലെ ഗുഡയാനംപള‌ളി ഗ്രാമത്തിൽ ഏപ്രിൽ ആദ്യവാരം ഗ്രാമവാസികൾക്ക് കൊവിഷീൽഡ് കുത്തിവച്ചു. തുടർന്ന് രണ്ടാം ഘട്ട വാക്‌സിനേഷനെത്തിയവരിലാണ് ഞായറാഴ്‌ച കൊവാക്‌സിൻ കുത്തിവച്ചത്.

എന്നാൽ കുത്തിവയ്‌പ്പെടുത്ത 27 പേർക്കും പ്രശ്‌നമൊന്നുമില്ലെന്നും ഇവരുടെ വാക്‌സിനേഷൻ വിവരങ്ങൾ അപ്ഡേ‌റ്റ് ചെയ്‌ത സോഫ്‌റ്റ്‌വെയറിലെ തകരാറുകൊണ്ടാണ് വാക്‌സിൻ മാറി നൽകിയതെന്നാണ് ആരോഗ്യവകുപ്പ് നൽകുന്ന വിശദീകരണം. എന്നാൽ കുത്തിവയ്‌പ്പെടുത്തവരോട് ആരോഗ്യവകുപ്പ് അധികൃതർ വിവരങ്ങളൊന്നും ചോദിച്ചില്ലെന്നാണ് വിവരം.

സംഭവത്തിന് കാരണക്കാരായവരെ ശിക്ഷിക്കുമെന്നാണ് അധികൃതർ അറിയിക്കുന്നത്. ‘സാങ്കേതിക പ്രശ്‌നങ്ങൾ കാരണം കുത്തിവയ്‌പ്പ് എടുത്തവരുടെ വിവരങ്ങളെടുക്കാൻ നഴ്‌സിന് കഴിഞ്ഞില്ല. അതാണ് കുഴപ്പമായത്. എന്നാൽ കുത്തിവയ്‌പ്പെടുത്ത 27 പേരും പ്രശ്‌നങ്ങളൊന്നുമില്ലാതെയിരിക്കുന്നു.’ ജില്ലാ മെഡിക്കൽ ഓഫീസർ ഡോ.യു. ശ്രീഹരി പറഞ്ഞു.

സംഭവത്തിൽ ആന്ധ്രാ ആരോഗ്യവകുപ്പ് അന്വേഷണം ആരംഭിച്ചിട്ടുണ്ട്. എന്നാൽ ഗ്രാമവാസികൾക്ക് കുത്തിവയ്പ്പ് നൽകിയ നഴ്‌സിനെ കുറിച്ച്‌ ഗ്രാമത്തിലെ ജനങ്ങൾക്ക് വളരെ നല്ല അഭിപ്രായമാണ്. നഴ്സിനെതിരെ നടപടിയെടുക്കരുതെന്നാണ് ഗ്രാമവാസികൾ ആവശ്യപ്പെടുന്നത്. വാക്‌സിനെടുക്കാനെത്തിയയാൾ തെറ്റായ വാക്‌സിൻ വയൽ എടുക്കുന്നത് കണ്ടതോടെയാണ് സംഭവം പുറത്ത് അറിഞ്ഞത്.

Click to comment

You must be logged in to post a comment Login

Leave a Reply

You May Also Like

KERALA NEWS

സംസ്ഥാനത്തെ കെഎസ്ഇബി ഉപയോക്താക്കളിൽ നിന്ന് സ്വീകരിച്ചിട്ടുള്ള സെക്യൂരിറ്റി ഡെപ്പോസിറ്റിന് 6.75% നിരക്കിൽ പലിശ ലഭിക്കുമെന്ന് വൈദ്യുതി മന്ത്രി കെ കൃഷ്ണൻകുട്ടി അറിയിച്ചു. എല്ലാ ഉപയോക്താക്കളുടെയും മേയ്, ജൂൺ, ജൂലായ് മാസങ്ങളിലെ ബില്ലിൽ കുറവ്...

KERALA NEWS

കോഴിക്കോട്: ഭട്ട് റോഡിൽ കാറിന് തീപിടിച്ച് ഒരാൾ മരിച്ചു. വെള്ളിയാഴ്ച ഉച്ചയ്ക്ക് 12-നായിരുന്നു അപകടം. മരിച്ച ആളെ തിരിച്ചറിഞ്ഞിട്ടില്ല. കാർ നിർത്തിയ ഉടനെ ഡ്രൈവർക്ക് പുറത്തിറങ്ങാൻ നാട്ടുകാർ ഡോർ തുറന്നുകൊടുത്തെങ്കിലും സീറ്റ് ബെൽറ്റ്...

KERALA NEWS

കൊച്ചി |എറണാകുളം ശാസ്താംമുകളില്‍ ദേശീയപാതയില്‍ നിര്‍മാണം നടക്കുന്ന കാനയിലേക്ക് ജീപ്പ് മറിഞ്ഞ് റിട്ട. അധ്യാപിക മരിച്ചു. മാമലതുരുത്തിയില്‍ ബീന ആണ് മരിച്ചത്. അറുപത് വയസായിരുന്നു. അപകടത്തില്‍ മൂന്നുപേര്‍ക്ക് പരിക്കേറ്റു. ഇവരെ എറണാകുളത്തെ സ്വകാര്യ ആശുപത്രിയില്‍...

NEWS

കോട്ടയം: പുതുപ്പള്ളി ചാലുങ്കൽപ്പടിയിൽ യുവാവിന്റെ മൃതദേഹം ഓടയിൽ കണ്ടെത്തിയ സംഭവത്തിൽ ദുരൂഹത ആരോപിച്ച് കുടുംബം. കുറിച്ചി ഇത്തിത്താനം ചേക്കേപ്പറമ്പിൽ രഘൂത്തമന്റെ മകൻ വിഷ്ണു രാജിനെയാണ് മരിച്ച നിലയിൽ ഓടയിൽ നിന്ന് കണ്ടെത്തിയത്.പരുമലയിൽ ജോലിചെയ്യുന്ന...