Vismaya News
Connect with us

Hi, what are you looking for?

KERALA NEWS

വഴിവിട്ട ഇടപാടുകളും അനധികൃത സ്വത്ത് സമ്പാദനവും; കിരൺ കുമാറിനെതിരെ വിജിലൻസ് അന്വേഷണവും

കൊല്ലം: വിസ്മയയുടെ മരണത്തിൽ റിമാൻഡിൽ കഴിയുന്ന അസിസ്റ്റന്റ് എംവിഐ എസ് കിരൺ കുമാറിനെതിരെ വിജിലൻസും അന്വേഷണം തുടങ്ങി. കിരണിന്റെ വഴിവിട്ട ഇടപാടുകളും അനധികൃത സ്വത്ത് സമ്പാദനവുമൊക്കെയാണ് അന്വേഷണ പരിധിയിലുള്ളത്. കൊല്ലം എൻഫോഴ്‌സ്‌മെന്റ് ആർടിഒയിലെ അസിസ്റ്റന്റ് എംവിഐയാണ് നിലവിൽ കിരൺ.

ജോലിയിൽ കിരൺ നടത്തിയ വഴിവിട്ട ഇടപാടുകൾ പരിശോധിക്കുന്നതിന്റെ ഭാഗമായി നടത്തിയ പ്രാഥമിക പരിശോധനയിൽ ചില പൊരുത്തക്കേടുകൾ ബോധ്യപ്പെട്ടിരുന്നു. നേരത്തെ കിരൺ ആര്യങ്കാവ് ചെക്ക് പോസ്റ്റിൽ ജോലി ചെയ്തിരുന്നു. ഈ സമയം അവിടെ വിജിലൻസ് പരിശോധന നടത്തിയിരുന്നു.

ഇതിന്റെ തുടർച്ചയായാണ് ഇപ്പോൾ അന്വേഷണം. അന്നു ചെക്ക്‌പോസ്റ്റിൽ ജോലിയിലായിരിക്കെ വഴിവിട്ട സഹായങ്ങൾ ചെയ്ത് കിരൺ പണം സമ്പാദിച്ചുവെന്നാണ് വിജിലൻസിന് ലഭിച്ച വിവരം. വിജിലൻസ് നടത്തിയ പരിശോധനയിൽ കിരണിനെതിരെ ചില വിവരങ്ങൾ ലഭിച്ചിരുന്നു.

ഇതിന്റെ കൂടി അടിസ്ഥാനത്തിലാണ് ഇപ്പോൾ വിജിലൻസ് അന്വേഷണം നടത്തുന്നത്. കിരണിന്റെ ബാങ്ക് അക്കൗണ്ടുകളിൽ വന്ന പണത്തിന്റെ ഉറവിടവും അന്വേഷിക്കുന്നുണ്ട്. ന്യൂജനറേഷൻ ബാങ്കുകളിൽ കിരണിനുള്ള അക്കൗണ്ടുകളും പരിശോധിക്കും.

നേരത്തെ കിരൺ കൊല്ലം എൻഫോഴ്‌സ്‌മെന്റ് ആർടിഒയിൽ ആയിരിക്കെ പല സ്‌പെഷ്യൽ ഡ്രൈവുകളുടെയും വിവരങ്ങൾ ചോർത്തി നൽകി പണം വാങ്ങിയിരുന്നതായി ആക്ഷപമുയർന്നിരുന്നു. ഇക്കാര്യവും അന്വേഷണത്തിൽ ഉൾപ്പെടുത്തിയിട്ടുണ്ട്.

Click to comment

You must be logged in to post a comment Login

Leave a Reply

You May Also Like

GULF

കേരളത്തെയാകെ കണ്ണീരിലാഴ്ത്തിയ തീപിടുത്തത്തിന്റെ ഞെട്ടല്‍ വിടും മുന്‍പ് കുവൈത്തില്‍ വീണ്ടും തീപിടുത്തം. മെഹബൂലയിലെ കെട്ടിടത്തിലുണ്ടായ തീപിടുത്തത്തില്‍ 9 പേര്‍ക്ക് പരുക്കേറ്റു. അവരെ അദാന്‍ ആശുപത്രിയില്‍ പ്രവേശിപ്പിച്ചു. പരുക്കേറ്റവരില്‍ മൂന്നുപേരുടെ നില ഗുരുതരമാണ്. പരുക്കേറ്റവരില്‍...

KERALA NEWS

സംസ്ഥാനത്തെ കെഎസ്ഇബി ഉപയോക്താക്കളിൽ നിന്ന് സ്വീകരിച്ചിട്ടുള്ള സെക്യൂരിറ്റി ഡെപ്പോസിറ്റിന് 6.75% നിരക്കിൽ പലിശ ലഭിക്കുമെന്ന് വൈദ്യുതി മന്ത്രി കെ കൃഷ്ണൻകുട്ടി അറിയിച്ചു. എല്ലാ ഉപയോക്താക്കളുടെയും മേയ്, ജൂൺ, ജൂലായ് മാസങ്ങളിലെ ബില്ലിൽ കുറവ്...

KERALA NEWS

കോഴിക്കോട്: ഭട്ട് റോഡിൽ കാറിന് തീപിടിച്ച് ഒരാൾ മരിച്ചു. വെള്ളിയാഴ്ച ഉച്ചയ്ക്ക് 12-നായിരുന്നു അപകടം. മരിച്ച ആളെ തിരിച്ചറിഞ്ഞിട്ടില്ല. കാർ നിർത്തിയ ഉടനെ ഡ്രൈവർക്ക് പുറത്തിറങ്ങാൻ നാട്ടുകാർ ഡോർ തുറന്നുകൊടുത്തെങ്കിലും സീറ്റ് ബെൽറ്റ്...

NEWS

കോട്ടയം: പുതുപ്പള്ളി ചാലുങ്കൽപ്പടിയിൽ യുവാവിന്റെ മൃതദേഹം ഓടയിൽ കണ്ടെത്തിയ സംഭവത്തിൽ ദുരൂഹത ആരോപിച്ച് കുടുംബം. കുറിച്ചി ഇത്തിത്താനം ചേക്കേപ്പറമ്പിൽ രഘൂത്തമന്റെ മകൻ വിഷ്ണു രാജിനെയാണ് മരിച്ച നിലയിൽ ഓടയിൽ നിന്ന് കണ്ടെത്തിയത്.പരുമലയിൽ ജോലിചെയ്യുന്ന...