Connect with us

Hi, what are you looking for?

KERALA NEWS

കണ്ണൂർ കേന്ദ്രീകരിച്ച്‌ നടന്ന സ്വർണക്കടത്ത് കേസുകളിൽ അർജുൻ ആയങ്കിയുടെ പങ്ക് അന്വേഷിക്കുന്നു

കണ്ണൂർ: കരിപ്പൂർ സ്വർണക്കടത്ത് കേസിൽ കണ്ണൂരിലെ ക്വട്ടേഷൻ സംഘത്തിന് പങ്കുള്ളതായി വിവരം ലഭിച്ചതിന്റെ അടിസ്ഥാനത്തിൽ കണ്ണൂർ കേന്ദ്രീകരിച്ച്‌ കഴിഞ്ഞ ഒരു വർഷത്തിനിടെ നടന്ന സ്വർണക്കടത്ത് കേസുകളിൽ അർജുൻ ആയങ്കിയുടെത് അടക്കം പങ്ക് പൊലീസ് അന്വേഷിക്കുന്നു. കണ്ണൂർ എയർപോർട്ട് വഴിയും അല്ലാതെയുമുള്ള ഇടപാടുകൾ സംബന്ധിച്ചാണ് അന്വേഷണം. സ്വർണക്കടത്തിലെ മുഖ്യ ആസൂത്രകൻ അർജുൻ ആയങ്കിയാണെന്നാണ് കസ്റ്റംസ് കോടതിയിൽ നൽകിയ റിപ്പോർട്ടിൽ പറയുന്നത്.

കഴിഞ്ഞ വർഷം കൂത്തുപറമ്പിൽ ക്വറന്റീനിൽ ഇരുന്ന യുവാവിനെ സ്വർണക്കടത്ത് സംഘം തട്ടിക്കൊണ്ടു പോയ സംഭവത്തിലും കണ്ണൂർ വിമാനത്താവളം വഴി കടത്തിക്കൊണ്ടുവന്ന കോടികൾ വിലമതിക്കുന്ന സ്വർണം കടത്താൻ ശ്രമിച്ച സംഭവങ്ങളിലും ക്വട്ടേഷൻ സംഘങ്ങൾക്ക് പങ്കുണ്ടോയെന്നാണ് അന്വേഷണം.

കണ്ണൂർ സ്വദേശിയായ അർജുൻ നേരത്തെയും സമാന കേസുകളിൽ ഇടപെട്ടതായാണ് വിവരം. ഇതിന്റെ കൂടി അടിസ്ഥാനത്തിലാണ് അന്വേഷണം. സ്വർണക്കടത്തിൽ ആകാശ് തില്ലങ്കേരി ഉൾപ്പെടെയുള്ളവർക്ക് പങ്കുണ്ടെന്ന രാഷ്ട്രീയ നേതാക്കളുടെ ആരോപണവും പൊലീസ് പരിശോധിക്കുന്നുണ്ട്.

അതേസമയം ഇത്തരം കേസുകളിൽ പരാതിക്കാർ ഇല്ല എന്നതാണ് അന്വേഷണ സംഘങ്ങളെ വലയ്ക്കുന്നത്. കരിപ്പൂർ കേസിൽ പേര് ഉയർന്നതിന് പിന്നാലെ അർജുൻ ആയങ്കി ഒളിവിലാണ്. അർജുൻ ഉപയോഗിച്ച കാറും അന്വേഷണ സംഘത്തിന് കണ്ടെത്താനായിട്ടില്ല.

Click to comment

You must be logged in to post a comment Login

Leave a Reply

You May Also Like

KERALA NEWS

തലസ്ഥാനത്ത് രണ്ട് വയസുകാരിയെ തട്ടിക്കൊണ്ടുപോയ സംഭവത്തിൽ മേരിയുടെ അമ്മയെ സ്ഥലത്ത് കൊണ്ടുവന്ന് തെളിവെടുത്ത് പൊലീസ്. ഇവിടെ നിന്നും കുട്ടിയുടെ വസ്ത്രങ്ങൾ പൊലീസ് ശേഖരിച്ചു. അതേസമയം, സിസിടിവി ദൃശ്യം കേന്ദ്രീകരിച്ച് അന്വേഷണം നടത്തി വരികയാണ്...

KERALA NEWS

പാലക്കാട്: ഹൃദയാഘാതം മൂലം ഇരുപത്തിയാറുകാരന് ദാരുണാന്ത്യം. പാലക്കാട് കാഞ്ഞിരത്താണി കപ്പൂരിൽ പത്തായപ്പുരയ്ക്കൽ ഷെഫീക്ക് (26) ആണ് മരിച്ചത്. ഇന്ന് രാവിലെയാണ് സംഭവം.ഇന്നലെ രാത്രി ഉറങ്ങാൻ കിടന്ന ഷെഫീക്ക് പുലർച്ചെയോടെ ശാരീരിക അസ്വസ്ഥതകൾ പ്രകടിപ്പിച്ചിരുന്നു....

KERALA NEWS

വയനാട് പുല്‍പള്ളിയിൽ ചേകാടി റോഡിലെ ചെറിയമല ജംഗ്ഷനില്‍ വെള്ളിയാഴ്ച രാവിലെ കാട്ടാന ആക്രമണത്തില്‍ ഗുരുതരമായി പരിക്കേറ്റത്തിനെത്തുടര്‍ന്നു മരിച്ച കുറുവ ടൂറിസം കേന്ദ്രം ജീവനക്കാരന്‍ പാക്കം വെള്ളച്ചാലില്‍ പോളിന്റെ പോളിന്റെ കുടുംബത്തിന് 50 ലക്ഷം...

NATIONAL

ഭാരത് അരിയുടെ വിതരണം ആരംഭിച്ച് കേന്ദ്രം. കിലോഗ്രാമിന് 29 രൂപ നിരക്കിൽ അഞ്ച്, 10 കിലോ ഗ്രാം പാക്കറ്റുകളിലായിരിക്കും അരി ലഭിക്കുകയെന്ന് ഭക്ഷ്യ-ഉപഭോക്തൃകാര്യ മന്ത്രി പിയൂഷ് ഗോയൽ അറിയിച്ചു.ആദ്യഘട്ടത്തിൽ ചില്ലറവിപണി വിൽപ്പനയ്ക്കായി അഞ്ചുലക്ഷം...