Connect with us

Hi, what are you looking for?

LATEST NEWS

ത്രിപുരയിൽ പശുക്കടത്ത്​ ആരോപിച്ച്‌​ തല്ലിക്കൊന്ന്​ ഒളിപ്പിച്ചുവെച്ച ഒരു യുവാവിൻറെ മൃതദേഹം കൂടി കണ്ടെടുത്തു

അഗർത്തല: പശുക്കടത്ത്​ ആരോപിച്ച്‌​ ത്രിപുരയിലെ ഖോവൈ ജില്ലയിൽ ജൂൺ 20ന്​ അക്രമികൾ ക്രൂരമായി തല്ലിക്കൊന്ന്​ ഒളിപ്പിച്ചുവെച്ച ഒരു യുവാവിൻറെ മൃതദേഹം കൂടി കണ്ടെടുത്തു. സംഭവം നടന്ന്​ രണ്ടാഴ്ച പിന്നിട്ട ശേഷം ഇന്നലെയാണ്​​ മൃതദേഹം കണ്ടെത്തിയത്​. പ്രതികളുടെ മൊഴിയുടെ അടിസ്​ഥാനത്തിൽ നടത്തിയ തെരച്ചിലിൽ സലിം ഹുസൈൻ എന്നയാളുടെ മൃതദേഹമാണ്​ പൊലീസ് പുറത്തെടുത്തത്​. ഇതോടെ സംഭവത്തിൽ കൊല്ലപ്പെട്ട മുസ്​ലിം യുവാക്കളുടെ എണ്ണം നാലായി.

ബില്ലാൽ മിയ (27), സായിദ് ഹുസൈൻ (28), സൈഫുൽ ഇസ്​ലാം (21) എന്നിവരെ ​സംഭവദിവസം തന്നെ ശരീരമാസകലം മർദനമേറ്റ്​ കൊല്ലപ്പെട്ടനിലയിൽ കണ്ടെത്തിയിരുന്നു. സംഘ്​പരിവാറിൻറെ മുസ്​ലിംവിരുദ്ധ ആക്രമണങ്ങൾക്കുള്ള​ മറയായ പശുക്കടത്തിൻറെ പേരിലാണ്​ ഇവരെ അക്രമികൾ കൊലപ്പെടുത്തിയത്​. ത്രിപുര സെപാഹിജാല ജില്ലയിലെ സുനമുര സ്വദേശികളാണ്​ ​മരിച്ചവർ.

ജൂൺ 20ന് സലീമിനെ കാണാതായതായി പരാതിയുണ്ടായിരുന്നു. എന്നാൽ, പിന്നീട്​ യാതൊരുവിവരവും ലഭ്യമായില്ല. ഒടുവിൽ, കഴിഞ്ഞ ദിവസം ആൾക്കൂട്ടക്കൊലക്കേസിൽ മൂന്നുപ്രതികളെ അറസ്റ്റുചെയ്​തതോടെയാണ്​ സലീമിനെയും കൊലപ്പെടുത്തി മൃതദേഹം വനത്തിൽ ഒളിപ്പിച്ചെന്ന ഞെട്ടിക്കുന്ന വിവരം പുറത്തുവന്നത്​. വടക്കൻ മഹാറാണിപൂരിലെ വനപ്രദേശത്ത് ശനിയാഴ്ച ഉച്ചയോടെയാണ് സലീം ഹുസൈൻറെ മൃതദേഹം കണ്ടെത്തിയതെന്ന് പോലീസ് പറഞ്ഞു.

അതേസമയം, കേസിൽ അന്വേഷണം പക്ഷപാതപരമാണെന്നും ഇഴഞ്ഞുനീങ്ങുകയാണെന്നും​ തുടക്കം മുതൽ ആരോപണം ഉയർന്നിരുന്നു. പ്രതികളെ തിരിച്ചറിഞ്ഞിട്ടും അറസ്റ്റ്​ ചെയ്യാത്ത പൊലീസ്​ കൊല്ലപ്പെട്ട യുവാക്കൾക്കെതിരെ പശുമോഷണത്തിന് കേസെടുത്തത്​ വിവാദമായിരുന്നു. ​സായുധരായ 40ഓളം പേർ ചേർന്നാണ് യുവാക്കളെ മർദിച്ച്‌​ കൊന്നതെന്നാണ്​​ സംഭവം നടന്ന്​ പിറ്റേന്ന്​ ത്രിപുര ഐ.ജി അരിന്ദം നാഥ് മാധ്യമങ്ങളോട് വെളിപ്പെടുത്തിയത്​. എന്നാൽ, വെറും മൂന്നുപേരെ മാത്രമാണ്​ ഇതുവരെ പിടികൂടിയത്​. സ്ഥിരം കുറ്റവാളികളാണ് കൊലപാതകികളെന്നും മാസങ്ങൾക്ക് മുമ്പ് പൊലീസിനെ ആക്രമിച്ച കേസിലും ഇവർ പ്രതികളാണെന്നും ഐ.ജി അരിന്ദം നാഥ് പറഞ്ഞു.

Click to comment

You must be logged in to post a comment Login

Leave a Reply

You May Also Like

KERALA NEWS

സംസ്ഥാനത്ത് നദികളിൽ നിന്നുള്ള മണൽവാരൽ പുനരാംഭിക്കുന്നു. റവന്യു സെക്രട്ടേറിയറ്റിന്റേതാണ് തീരുമാനം. കഴിഞ്ഞ 10 വർഷം മുടങ്ങിക്കിടക്കുകയായിരുന്നു. കേന്ദ്ര പരിസ്ഥിതി മന്ത്രാലയത്തിന്റെ മാർഗനിർദേശങ്ങൾക്ക് അനുസൃതമായി 2001ലെ കേരള പ്രൊട്ടക്‌ഷൻ ഓഫ് റിവർ ബാങ്ക്‌സ് ആൻഡ്...

KERALA NEWS

തലസ്ഥാനത്ത് രണ്ട് വയസുകാരിയെ തട്ടിക്കൊണ്ടുപോയ സംഭവത്തിൽ മേരിയുടെ അമ്മയെ സ്ഥലത്ത് കൊണ്ടുവന്ന് തെളിവെടുത്ത് പൊലീസ്. ഇവിടെ നിന്നും കുട്ടിയുടെ വസ്ത്രങ്ങൾ പൊലീസ് ശേഖരിച്ചു. അതേസമയം, സിസിടിവി ദൃശ്യം കേന്ദ്രീകരിച്ച് അന്വേഷണം നടത്തി വരികയാണ്...

KERALA NEWS

വയനാട് പുല്‍പള്ളിയിൽ ചേകാടി റോഡിലെ ചെറിയമല ജംഗ്ഷനില്‍ വെള്ളിയാഴ്ച രാവിലെ കാട്ടാന ആക്രമണത്തില്‍ ഗുരുതരമായി പരിക്കേറ്റത്തിനെത്തുടര്‍ന്നു മരിച്ച കുറുവ ടൂറിസം കേന്ദ്രം ജീവനക്കാരന്‍ പാക്കം വെള്ളച്ചാലില്‍ പോളിന്റെ പോളിന്റെ കുടുംബത്തിന് 50 ലക്ഷം...

KERALA NEWS

പാലക്കാട്: ഹൃദയാഘാതം മൂലം ഇരുപത്തിയാറുകാരന് ദാരുണാന്ത്യം. പാലക്കാട് കാഞ്ഞിരത്താണി കപ്പൂരിൽ പത്തായപ്പുരയ്ക്കൽ ഷെഫീക്ക് (26) ആണ് മരിച്ചത്. ഇന്ന് രാവിലെയാണ് സംഭവം.ഇന്നലെ രാത്രി ഉറങ്ങാൻ കിടന്ന ഷെഫീക്ക് പുലർച്ചെയോടെ ശാരീരിക അസ്വസ്ഥതകൾ പ്രകടിപ്പിച്ചിരുന്നു....