Connect with us

Hi, what are you looking for?

KERALA NEWS

ഈ പഠിത്തം എന്താണെന്നാണ് ടീച്ചർമാരേ നിങ്ങളുടെ വിചാരം; ഓൺലൈൻ ക്ലാസ്സിലെ ഹോം വർക്കിനേക്കുറിച്ച് വിദ്യാർത്ഥി

പഠനം ഓൺലൈൻ വഴിയാണെങ്കിലും ഹോം വർക്കിനൊന്നും ഒരു കുറവുമില്ല. ഇത് കുട്ടികളെ വളരെയധികം ദോഷമായി ബാധിക്കുന്നുമുണ്ട്. ഓൺലൈൻ ക്ലാസുകളുടെ പോരായ്മയും പ്രശ്‌നങ്ങളും സങ്കടങ്ങളും എണ്ണിപ്പറഞ്ഞ് ഒരു കൊച്ചുമിടുക്കന്റെ വീഡിയോ ആണ് ഇപ്പോൾ സമൂഹമാദ്ധ്യമങ്ങളിൽ വൈറലായിരിക്കുന്നത്. ക്ലാസിനൊപ്പം നൽകുന്ന ഹോംവർക്കുകളുടെ എണ്ണത്തെക്കുറിച്ചാണ് ഈ മിടുക്കന്റെ പരാതി.

സ്‌കൂൾ ഗ്രൂപ്പിൽ ടീച്ചർമാർ തുരുതുരാ ഹോം വർക്കുകൾ ഇട്ടുതരുന്നതിലാണ് ഈ വിദ്യാർഥിക്ക് വലിയ സങ്കടം. പഠിക്കാനാണെങ്കിൽ ഇത്രയൊക്കെ ഹോംവർക്ക് വേണ്ട. വളരെ കുറച്ച്‌ തന്നാൽ മതിയെന്നാണ് കുട്ടി പറയുന്നത്. വളരെ സങ്കടത്തോടെ ഇക്കാര്യങ്ങൾ ടീച്ചർമാരോട് പറയുന്ന കുട്ടിയുടെ വീഡിയോ വളരെ കുറഞ്ഞ സമയംകൊണ്ടാണ് സമൂഹമാദ്ധ്യമങ്ങളിൽ വൈറലായത്.

നിങ്ങള് പഠിക്കണം പഠിക്കണം എന്നു പറയുന്നുണ്ടല്ലോ. ഈ പഠിത്തം എന്താണെന്നാണ് ടീച്ചർമാരേ നിങ്ങളുടെ വിചാരം. എനിക്ക് വെറുത്തുപോയി, സങ്കടത്തോടെ പറയുകയാ, നിങ്ങളിങ്ങനെ നോട്ട് ഇടല്ലേ. എഴുതാൻ ആണെങ്കിൽ ഇത്തിരിയിടണം, അല്ലാതെ ഇങ്ങനെ ചെയ്യരുത്.

പഠിത്തം എന്നു പറഞ്ഞാൽ ഇഷ്ടമാ, പക്ഷേ ഇങ്ങനെ ചെയ്യല്ലേ, ഞാൻ വെറുത്തു. എനിക്ക് വലിയ സങ്കടമാവുന്നു, ഇങ്ങനെ ഇട്ടാൽ എനിക്ക് ഭ്രാന്താ. സങ്കടത്തോടെ പറയാ, ഇനിയങ്ങനെ ചെയ്യല്ലേ ടീച്ചർമാരേ എന്നിങ്ങനെ പോകുന്ന സംസാരം ടീച്ചർമാരോട് പറഞ്ഞതിനെല്ലാം മാപ്പ് പറഞ്ഞാണ് അവസാനിക്കുന്നത്.

കൈലാസ് മേനോൻ എന്ന ഇൻസ്റ്റഗ്രാം അക്കൗണ്ടിലാണ് വീഡിയോ പങ്കുവെച്ചിരിക്കുന്നത്. തമാശയായി തോന്നുമെങ്കിലും കുട്ടി പറയുന്നതിൽ കാര്യമുണ്ടെന്നാണ് പലരുടെയും പ്രതികരണം. ഇപ്പോൾ തുടരുന്ന ഓൺലൈൻ പഠനവും ഹോംവർക്കുകളുടെ ആധിക്യവുമെല്ലാം കുട്ടികളെ ദോഷമായി ബാധിക്കുന്നുണ്ടെന്ന അഭിപ്രായവും പലരും പങ്കുവെക്കുന്നു.

Click to comment

You must be logged in to post a comment Login

Leave a Reply

You May Also Like

KERALA NEWS

തലസ്ഥാനത്ത് രണ്ട് വയസുകാരിയെ തട്ടിക്കൊണ്ടുപോയ സംഭവത്തിൽ മേരിയുടെ അമ്മയെ സ്ഥലത്ത് കൊണ്ടുവന്ന് തെളിവെടുത്ത് പൊലീസ്. ഇവിടെ നിന്നും കുട്ടിയുടെ വസ്ത്രങ്ങൾ പൊലീസ് ശേഖരിച്ചു. അതേസമയം, സിസിടിവി ദൃശ്യം കേന്ദ്രീകരിച്ച് അന്വേഷണം നടത്തി വരികയാണ്...

KERALA NEWS

വയനാട് പുല്‍പള്ളിയിൽ ചേകാടി റോഡിലെ ചെറിയമല ജംഗ്ഷനില്‍ വെള്ളിയാഴ്ച രാവിലെ കാട്ടാന ആക്രമണത്തില്‍ ഗുരുതരമായി പരിക്കേറ്റത്തിനെത്തുടര്‍ന്നു മരിച്ച കുറുവ ടൂറിസം കേന്ദ്രം ജീവനക്കാരന്‍ പാക്കം വെള്ളച്ചാലില്‍ പോളിന്റെ പോളിന്റെ കുടുംബത്തിന് 50 ലക്ഷം...

KERALA NEWS

പാലക്കാട്: ഹൃദയാഘാതം മൂലം ഇരുപത്തിയാറുകാരന് ദാരുണാന്ത്യം. പാലക്കാട് കാഞ്ഞിരത്താണി കപ്പൂരിൽ പത്തായപ്പുരയ്ക്കൽ ഷെഫീക്ക് (26) ആണ് മരിച്ചത്. ഇന്ന് രാവിലെയാണ് സംഭവം.ഇന്നലെ രാത്രി ഉറങ്ങാൻ കിടന്ന ഷെഫീക്ക് പുലർച്ചെയോടെ ശാരീരിക അസ്വസ്ഥതകൾ പ്രകടിപ്പിച്ചിരുന്നു....

NATIONAL

ഭാരത് അരിയുടെ വിതരണം ആരംഭിച്ച് കേന്ദ്രം. കിലോഗ്രാമിന് 29 രൂപ നിരക്കിൽ അഞ്ച്, 10 കിലോ ഗ്രാം പാക്കറ്റുകളിലായിരിക്കും അരി ലഭിക്കുകയെന്ന് ഭക്ഷ്യ-ഉപഭോക്തൃകാര്യ മന്ത്രി പിയൂഷ് ഗോയൽ അറിയിച്ചു.ആദ്യഘട്ടത്തിൽ ചില്ലറവിപണി വിൽപ്പനയ്ക്കായി അഞ്ചുലക്ഷം...