ആദിവാസികളുടെ അവകാശ സംരക്ഷണത്തിനായി നിരവധി പോരാട്ടം നടത്തിയ സാമൂഹിക പ്രവർത്തകൻ ഫാ സ്റ്റാൻ സ്വാമിയുടെ മരണം ഭരണകൂട നരഹത്യയുടെ പ്രതീകമാണെന്ന് കെസിവൈഎം കൊല്ലം രൂപത അഭിപ്രായപെട്ടു. സ്റ്റാൻ സ്വാമിയുടെ മരണത്തെ പറ്റി സമഗ്രമായ അന്വേഷണം നടത്തണമെന്നും, നീതി നിഷേധം നടത്തിയവർക്കെതിരെ നടപടി സ്വീകരിക്കണമെന്നും രൂപതാ പ്രസിഡന്റ് കിരൺ ക്രിസ്റ്റഫർ ആവശ്യപ്പെട്ടു.
ഫാ സ്റ്റാൻ സ്വാമിയ്ക്ക് സ്വാഭാവിക നീതി നിഷേധിച്ചു തടവിലാക്കിയത് രാജ്യത്തെ നിയമസംവിധാനങ്ങളോടുള്ള വെല്ലുവിളിയാണ്. രോഗബാധിതനായിട്ടും യാതൊരു മാനുഷിക പരിഗണന നൽകാതെ ഫാ സ്റ്റാൻ സ്വാമിയെ പീഡിപ്പിച്ചതാണ് അദേഹത്തിന്റെ വിയോഗത്തിന് കാരണമായതു. അതിനാൽ ഭരണകൂടമാണ് ഈ മരണത്തിനു ഉത്തരവാദി എന്ന് കിരൺ അഭിപ്രായപെട്ടു. ഫാ സ്റ്റാൻ സ്വാമിയ്ക്ക് ആദരാഞ്ജലികൾ അർപ്പിക്കുവാൻ കൂടിയ അനുശോചനം യോഗത്തിൽ സംസാരിക്കുകയായിരുന്നു കെസിവൈഎം രൂപതാ പ്രസിഡന്റ് കിരൺ ക്രിസ്റ്റഫർ തുടർന്ന് ഫാ സ്റ്റാൻ സ്വാമിയുടെ വിഷയത്തിൽ ഭരണകൂടം നടത്തിയ നീതി നിഷേധത്തിൽ പ്രതിഷേധം രേഖപ്പെടുത്തികൊണ്ട് രൂപതയിലെ വിവിധ ഭാഗങ്ങളിൽ കെസിവൈഎം ന്റെ നേതൃത്വത്തിൽ പ്രതിഷേധ പരിപാടികൾ സംഘടിപ്പിച്ചു.
തിരഞ്ഞെടുക്കപ്പെട്ട കേന്ദ്രങ്ങളിൽ കൈകളും കണ്ണുകളും മൂടികെട്ടി, ഭരണ വിരുദ്ധ പ്ലക്ക് കാർഡുകൾ ഉയർത്തിയാണ് പ്രതിഷേധ പരിപാടികൾ കെസിവൈഎം യുവജനങ്ങൾ സംഘടിപ്പിച്ചത്. കെസിവൈഎം സംസ്ഥാന പ്രസിഡന്റ് എഡ്വേർഡ് രാജു പ്രതിഷേധ പരിപാടി ഉത്ഘാടനം ചെയ്തു. രൂപതാ ഡയറക്ടർ ഫാ ബിന്നി, രൂപതാ പ്രസിഡന്റ് കിരൺ ക്രിസ്റ്റഫർ, ജനറൽ സെക്രട്ടറി മനീഷ്, വൈസ് പ്രസിഡന്റ് മരിയ, മാനുവൽ, അമൽ, സ്റ്റെഫിൻ, യൂജിൻ, നീതു, അലക്സ് ,സൊണാലി , മറ്റ് രൂപതാ സമിതി ഭാരവാഹികൾ എന്നിവർ പ്രതിഷേധ പരിപാടിക്ക് നേതൃത്വം നൽകി
You must be logged in to post a comment Login