ദക്ഷിണ ദില്ലിയിലെ അന്ധേരിയാ മോഡിലുള്ള ലിറ്റിൽ ഫ്ലവർ കത്തോലിക്കാ ദേവാലയം അനധികൃതമായി പൊളിച്ചു മാറ്റിയ ഡൽഹി ഡെവലപ്മെൻ്റ് അതോറിറ്റിയുടെ നടപടിയിൽ കെ.സി.വൈ.എം സംസ്ഥാന സമിതി പ്രതിഷേധിച്ചു. കൊല്ലം രൂപതയുടെ ആതിഥേയത്വത്തിൽ നടത്തിയ പ്രതിഷേധ പരിപാടിക്ക് സംസ്ഥാന പ്രസിഡൻറ് എഡ്വേർഡ് രാജു അധ്യക്ഷത വഹിച്ചു. സോഷ്യലിസ്റ്റ് മതേതര രാജ്യമായ ഭാരതത്തിൽ മതവികാരത്തെ വ്രണപ്പെടുത്തുന്ന നടപടികൾ നാൾക്കുനാൾ കൂടിവരികയാണ്. ക്രൈസ്തവ ന്യൂനപക്ഷങ്ങൾക്കെതിരെ വിശ്വാസത്തിൻ്റെ അടിച്ചമർത്തലുകൾക്ക് ഉത്തരവിടുമ്പോൾ മതസ്വാതന്ത്ര്യം എന്നത് ഭരണഘടനയിലെ വരികളിൽ മാത്രം ചുരുങ്ങിപ്പോകുന്നതായി അധ്യക്ഷ പ്രസംഗത്തിൽ അദ്ദേഹം അഭിപ്രായപ്പെട്ടു. കെ.എൽ.സി.എ. കൊല്ലം രൂപത പ്രസിഡൻ്റ് ശ്രീ.അനിൽ ജോൺ ഫ്രാൻസിസ് പ്രതിഷേധ പരിപാടി ഉദ്ഘാടനം ചെയ്തു. അടിക്കടിയുണ്ടാകുന്ന ഇത്തരം ആക്രമണങ്ങൾക്കെതിരെ ചെറുത്തുനിൽപ്പുകൾ അനിവാര്യമാണ്. അതിനുള്ള തുടക്കമാകട്ടെ ഈ പ്രതിഷേധം എന്ന് ഉദ്ഘാടനപ്രസംഗത്തിൽ അദ്ദേഹം കൂട്ടിച്ചേർത്തു. മതേതര രാഷ്ട്രത്തിൽ മതസ്വാതന്ത്ര്യത്തെ ഹനിക്കുന്ന പ്രവണത അവസാനിപ്പിക്കുക എന്നീ മുദ്രാവാക്യങ്ങൾ ഉയർത്തിപ്പിടിച്ചു കൊണ്ടാണ് പ്രതിഷേധം സംഘടിപ്പിച്ചത്. സംസ്ഥാന ജനറൽ സെക്രട്ടറി ഷിജോ മാത്യു, വൈസ് പ്രസിഡൻ്റ് അഗസ്റ്റിൻ ജോൺ, റോഷ്ന മറിയം, സെക്രട്ടറിമാരായ റോസ് മേരി തേറുകാട്ടിൽ, ഫിലോമിന സിമി, ഡെനിയ സിസി ജയൻ, അജോയ് പി.തോമസ്, ട്രഷറർ എബിൻ എന്നിവരുടെ നേതൃത്വത്തിൽ നടത്തിയ പരിപാടിയിൽ കൊല്ലം രൂപത പ്രസിഡൻ്റ് കിരൺ ക്രിസ്റ്റഫർ, ജനറൽ സെക്രട്ടറി മനീഷ് മാത്യൂസ്, വൈസ് പ്രസിഡൻ്റ് മാനുവൽ ആൻ്റണി, കെ.എൽ.സി.എ. കൊല്ലം രൂപത ജനറൽ സെക്രട്ടറി ലെസ്റ്റർ കാർഡോസ്, കെ.സി.വൈ.എം. രൂപത ഭാരവാഹികളായ നീതു, അലക്സ്, ഫെറോന ഭാരവാഹികളായ അജീഷ്, ബിജിത തുടങ്ങിയവർ സംസാരിച്ചു.
You May Also Like
ENTERTAINMENT
1990 കാലഘട്ടത്തിൽ സൂപ്പർ സ്റ്റാർ മോഹൻലാലിനൊപ്പം തിളങ്ങിയ ഉഷ എന്ന നടിയെ മലയാളികൾ ഒരിക്കലും മറക്കില്ല. ചെങ്കോലിൽ മോഹൻലാലിനൊപ്പം ആരംഭിച്ചിച്ച് ഒട്ടേറെ സിനിമകളിൽ അഭിനയിച്ച ഉഷ ഒരു കാലത്ത് മലയാള സിനിമയിൽ നിറ...
KERALA NEWS
വിവാഹം കഴിക്കുകയാണെങ്കില് ആഡംബരമില്ലാതെ ലളിതമായ രീതിയില് മതിയെന്ന് ശ്രീധന്യ സുരേഷ് നേരത്തെ തീരുമാനിച്ച കാര്യമാണ്. ജീവിതത്തില് ഒരുപാട് മാറ്റങ്ങള് വന്ന് ഐഎഎസുകാരിയായിട്ടും മുന്നിലപാട് മുറുകെ പിടിച്ച് മാതൃകയായിരിക്കുകയാണ് ശ്രീധന്യ.വയനാട്ടിലെ ആദിവാസി ജീവിതത്തിന്റെ വെല്ലുവിളികള്...
EDUCATION
സംസ്ഥാനത്തെ പൊതു വിദ്യാലയങ്ങളില് ഇനി പത്താം ക്ലാസ് പ്രവേശനത്തിന് ഇനി സേ പരീക്ഷ നടത്തും. ഒമ്പതാം ക്ലാസിലെ വാര്ഷിക പരീക്ഷയില് ഏറ്റവും താഴ്ന്ന ഗ്രേഡ് (ഡി, ഇ) നേടിയ വിദ്യാര്ത്ഥികള്ക്കാണ് അവധിക്കാലത്ത് ‘സേവ്...
KERALA NEWS
തിരുവനന്തപുരം: തിരുവനന്തപുരം മേയർ ആര്യാ രാജേന്ദ്രനും ഭർത്താവ് സച്ചിൻ ദേവ് എം എൽ എയുമായി നടുറോഡിൽ വച്ചുണ്ടായ വാക്കുതർക്കത്തിൽ ഡ്രൈവർ യദുവിനെതിരെ തൽക്കാലം നടപടിയെടുക്കില്ലെന്ന് മന്ത്രി കെ ബി ഗണേശ് കുമാർ വ്യക്തമാക്കി....
You must be logged in to post a comment Login