Connect with us

Hi, what are you looking for?

LATEST NEWS

ക്രൈസ്തവ ദേവാലയം നശിപ്പിച്ചത് മത സ്വാതന്ത്ര്യത്തിന് നേരെയുള്ള കടന്നാക്രമണം: കെ.സി.വൈ.എം സംസ്ഥാന സമിതി

ദക്ഷിണ ദില്ലിയിലെ അന്ധേരിയാ മോഡിലുള്ള ലിറ്റിൽ ഫ്ലവർ കത്തോലിക്കാ ദേവാലയം അനധികൃതമായി പൊളിച്ചു മാറ്റിയ ഡൽഹി ഡെവലപ്മെൻ്റ് അതോറിറ്റിയുടെ നടപടിയിൽ കെ.സി.വൈ.എം സംസ്ഥാന സമിതി പ്രതിഷേധിച്ചു. കൊല്ലം രൂപതയുടെ ആതിഥേയത്വത്തിൽ നടത്തിയ പ്രതിഷേധ പരിപാടിക്ക് സംസ്ഥാന പ്രസിഡൻറ് എഡ്വേർഡ് രാജു അധ്യക്ഷത വഹിച്ചു. സോഷ്യലിസ്റ്റ് മതേതര രാജ്യമായ ഭാരതത്തിൽ മതവികാരത്തെ വ്രണപ്പെടുത്തുന്ന നടപടികൾ നാൾക്കുനാൾ കൂടിവരികയാണ്. ക്രൈസ്തവ ന്യൂനപക്ഷങ്ങൾക്കെതിരെ വിശ്വാസത്തിൻ്റെ അടിച്ചമർത്തലുകൾക്ക് ഉത്തരവിടുമ്പോൾ മതസ്വാതന്ത്ര്യം എന്നത് ഭരണഘടനയിലെ വരികളിൽ മാത്രം ചുരുങ്ങിപ്പോകുന്നതായി അധ്യക്ഷ പ്രസംഗത്തിൽ അദ്ദേഹം അഭിപ്രായപ്പെട്ടു. കെ.എൽ.സി.എ. കൊല്ലം രൂപത പ്രസിഡൻ്റ് ശ്രീ.അനിൽ ജോൺ ഫ്രാൻസിസ് പ്രതിഷേധ പരിപാടി ഉദ്ഘാടനം ചെയ്തു. അടിക്കടിയുണ്ടാകുന്ന ഇത്തരം ആക്രമണങ്ങൾക്കെതിരെ ചെറുത്തുനിൽപ്പുകൾ അനിവാര്യമാണ്. അതിനുള്ള തുടക്കമാകട്ടെ ഈ പ്രതിഷേധം എന്ന് ഉദ്ഘാടനപ്രസംഗത്തിൽ അദ്ദേഹം കൂട്ടിച്ചേർത്തു. മതേതര രാഷ്ട്രത്തിൽ മതസ്വാതന്ത്ര്യത്തെ ഹനിക്കുന്ന പ്രവണത അവസാനിപ്പിക്കുക എന്നീ മുദ്രാവാക്യങ്ങൾ ഉയർത്തിപ്പിടിച്ചു കൊണ്ടാണ് പ്രതിഷേധം സംഘടിപ്പിച്ചത്. സംസ്ഥാന ജനറൽ സെക്രട്ടറി ഷിജോ മാത്യു, വൈസ് പ്രസിഡൻ്റ് അഗസ്റ്റിൻ ജോൺ, റോഷ്ന മറിയം, സെക്രട്ടറിമാരായ റോസ് മേരി തേറുകാട്ടിൽ, ഫിലോമിന സിമി, ഡെനിയ സിസി ജയൻ, അജോയ് പി.തോമസ്, ട്രഷറർ എബിൻ എന്നിവരുടെ നേതൃത്വത്തിൽ നടത്തിയ പരിപാടിയിൽ കൊല്ലം രൂപത പ്രസിഡൻ്റ് കിരൺ ക്രിസ്റ്റഫർ, ജനറൽ സെക്രട്ടറി മനീഷ് മാത്യൂസ്, വൈസ് പ്രസിഡൻ്റ് മാനുവൽ ആൻ്റണി, കെ.എൽ.സി.എ. കൊല്ലം രൂപത ജനറൽ സെക്രട്ടറി ലെസ്റ്റർ കാർഡോസ്, കെ.സി.വൈ.എം. രൂപത ഭാരവാഹികളായ നീതു, അലക്സ്, ഫെറോന ഭാരവാഹികളായ അജീഷ്, ബിജിത തുടങ്ങിയവർ സംസാരിച്ചു.

Click to comment

You must be logged in to post a comment Login

Leave a Reply

You May Also Like

KERALA NEWS

സംസ്ഥാനത്ത് നദികളിൽ നിന്നുള്ള മണൽവാരൽ പുനരാംഭിക്കുന്നു. റവന്യു സെക്രട്ടേറിയറ്റിന്റേതാണ് തീരുമാനം. കഴിഞ്ഞ 10 വർഷം മുടങ്ങിക്കിടക്കുകയായിരുന്നു. കേന്ദ്ര പരിസ്ഥിതി മന്ത്രാലയത്തിന്റെ മാർഗനിർദേശങ്ങൾക്ക് അനുസൃതമായി 2001ലെ കേരള പ്രൊട്ടക്‌ഷൻ ഓഫ് റിവർ ബാങ്ക്‌സ് ആൻഡ്...

KERALA NEWS

തലസ്ഥാനത്ത് രണ്ട് വയസുകാരിയെ തട്ടിക്കൊണ്ടുപോയ സംഭവത്തിൽ മേരിയുടെ അമ്മയെ സ്ഥലത്ത് കൊണ്ടുവന്ന് തെളിവെടുത്ത് പൊലീസ്. ഇവിടെ നിന്നും കുട്ടിയുടെ വസ്ത്രങ്ങൾ പൊലീസ് ശേഖരിച്ചു. അതേസമയം, സിസിടിവി ദൃശ്യം കേന്ദ്രീകരിച്ച് അന്വേഷണം നടത്തി വരികയാണ്...

KERALA NEWS

വയനാട് പുല്‍പള്ളിയിൽ ചേകാടി റോഡിലെ ചെറിയമല ജംഗ്ഷനില്‍ വെള്ളിയാഴ്ച രാവിലെ കാട്ടാന ആക്രമണത്തില്‍ ഗുരുതരമായി പരിക്കേറ്റത്തിനെത്തുടര്‍ന്നു മരിച്ച കുറുവ ടൂറിസം കേന്ദ്രം ജീവനക്കാരന്‍ പാക്കം വെള്ളച്ചാലില്‍ പോളിന്റെ പോളിന്റെ കുടുംബത്തിന് 50 ലക്ഷം...

KERALA NEWS

പാലക്കാട്: ഹൃദയാഘാതം മൂലം ഇരുപത്തിയാറുകാരന് ദാരുണാന്ത്യം. പാലക്കാട് കാഞ്ഞിരത്താണി കപ്പൂരിൽ പത്തായപ്പുരയ്ക്കൽ ഷെഫീക്ക് (26) ആണ് മരിച്ചത്. ഇന്ന് രാവിലെയാണ് സംഭവം.ഇന്നലെ രാത്രി ഉറങ്ങാൻ കിടന്ന ഷെഫീക്ക് പുലർച്ചെയോടെ ശാരീരിക അസ്വസ്ഥതകൾ പ്രകടിപ്പിച്ചിരുന്നു....