തിരുവനന്തപുരം: വാക്സിന് തീര്ന്നതിനാല് നിർത്തിവച്ചിരുന്ന സംസ്ഥാനത്തെ കോവിഡ് പ്രതിരോധ കുത്തിവെപ്പ് ഇന്ന് ഭാഗികമായി പുനഃരാരംഭിക്കും. ഇന്നലെ മേഖലാ കേന്ദ്രങ്ങളിലെത്തിച്ച വാക്സിന് ജില്ലകളിലേക്ക് വിതരണം ചെയ്തു തുടങ്ങിയിരുന്നു.
തിരുവനന്തപുരം, കൊല്ലം, കണ്ണൂര്, തൃശ്ശൂര് തുടങ്ങി വിവിധ ജില്ലകളിലെ സര്ക്കാര് കേന്ദ്രങ്ങളില് കഴിഞ്ഞ ദിവസങ്ങളില് വാക്സിനേഷന് പൂര്ണമായി സ്തംഭിച്ചിരുന്നു.ഇന്ന് പ്രധാനകേന്ദ്രങ്ങളിലെല്ലാം കുത്തിവെപ്പുണ്ടാകും.കുത്തിവെപ്പ് പുനഃരാരംഭിക്കുമ്പോള് വാക്സിനേഷന് കേന്ദ്രങ്ങളിലുണ്ടാകുന്ന തിരക്ക് ഒഴിവാക്കാന് പോലീസിന് ഡി.ജി.പി. അനില്കാന്ത് നിര്ദേശം നല്കിയിട്ടുണ്ട്. ആള്ക്കൂട്ടം ഒഴിവാക്കാനും കോവിഡ് മാനദണ്ഡങ്ങള് പാലിക്കുന്നുവെന്ന് ഉറപ്പാക്കാനുമാണ് നിര്ദേശം.
തിരുവനന്തപുരം, കൊച്ചി, കോഴിക്കോട് മേഖലകളിലായി ആകെ 9,72,590 ഡോസ് വാക്സിനാണ് ലഭിച്ചത്. 8,97,870 ഡോസ് കോവിഷീല്ഡും 74,720 ഡോസ് കോവാക്സിനുമാണ് ലഭിച്ചത്. ഇവ നാലുദിവസത്തേക്ക് മാത്രമേ തികയൂ എന്നാണ് ആരോഗ്യവകുപ്പിന്റെ വിലയിരുത്തല്. സംസ്ഥാനത്ത് ഇതുവരെ ഒന്നും രണ്ടും ഡോസ് ചേര്ത്ത് ആകെ 1,90,02,710 പേര്ക്കാണ് വാക്സിന് നല്കിയത്.
You must be logged in to post a comment Login