പൃഥ്വിരാജിനെ നായകനാക്കി മനു വാര്യര് സംവിധാനം ചെയ്ത ചിത്രം ‘കുരുതി’ ആമസോണ് പ്രൈമില് സ്ട്രീമിംഗ് ആരംഭിച്ചു.നേരത്തെ തിയറ്റര് റിലീസ് പ്രഖ്യാപിച്ചിരുന്ന ചിത്രമാണിത്.മെയ് 13ന് റിലീസ് ചെയ്യുമെന്നാണ് ആദ്യം പ്രഖ്യാപിച്ചിരുന്നത്. എന്നാല് കൊവിഡ് രണ്ടാംതരംഗത്തില് തിയറ്ററുകള് അടച്ചിട്ട സാഹചര്യത്തില് നിര്മ്മാതാവ് തീരുമാനം മാറ്റുകയായിരുന്നു.
‘കോള്ഡ് കേസി’നു ശേഷം പ്രൈം വീഡിയോയിലൂടെ എത്തുന്ന പൃഥ്വിരാജ് ചിത്രം കൂടിയാണ് കുരുതി. പൃഥ്വിരാജ് പ്രൊഡക്ഷന്സിന്റെ ബാനറില് പൃഥ്വിരാജ് തന്നെയാണ് നിര്മ്മാണം. 24 ദിവസം എന്ന റെക്കോര്ഡ് സമയത്തിലാണ് സിനിമ ഷൂട്ടിംഗ് പൂര്ത്തിയാക്കിയത്.സോഷ്യോ പൊളിറ്റിക്കല് ത്രില്ലര് വിഭാഗത്തില് പെടുന്ന ചിത്രമാണിത്. ‘കോഫി ബ്ലൂം’ എന്ന ബോളിവുഡ് ചിത്രം ഒരുക്കിയ മനു വാര്യര് മലയാളത്തില് ആദ്യമായി സംവിധാനം ചെയ്യുന്ന ചിത്രമാണ് ‘കുരുതി’.
You must be logged in to post a comment Login