എംജി സർവകലാശാലയിൽ സമരം നടത്തുന്ന ദളിത് വിദ്യാർത്ഥിനി ദീപ പി മോഹനന് നീതി ഉറപ്പാക്കുമെന്ന് മന്ത്രി ആര്‍ ബിന്ദു. 10 വർഷക്കാലമായി നീതിക്ക് വേണ്ടി പോരാടുന്ന വിദ്യാർത്ഥിയുടെ പരാതി എത്രയും പെട്ടെന്ന് തീർപ്പാക്കണമെന്നും ആരോപണവിധേയനായ അദ്ധ്യാപകനെ പദവിയിൽനിന്ന് മാറ്റിനിർത്തണമെന്നും മന്ത്രി പറഞ്ഞു.
അധ്യാപകനെ മാറ്റാനുള്ള സാങ്കേതിക തടസം എന്താണെന്ന് സര്‍വകലാശാലയോടെ മന്ത്രി വിശദീകരണം തേടി. അദ്ധ്യാപകനെ മാറ്റിനിർത്തുന്ന കാര്യത്തിൽ തീരുമാനം ഇനിയും നീണ്ടാല്‍ അദ്ധ്യാപകനോട് മാറിനിൽക്കാൻ ആവശ്യപ്പെടാൻ സർവകലാശാലാ അധികൃതർക്ക് നിർദ്ദേശം നൽകുമെന്നും മന്ത്രി പറഞ്ഞു.
ഹൈക്കോടതിയും പട്ടികവര്‍ഗ കമ്മീഷനും നേരത്തെ തന്നെ പരാതിയില്‍ ഇടപെട്ടിരുന്നു. ഇതുകൂടി പരിഗണിച്ച് വിദ്യാര്‍ത്ഥിനിയുടെ പരാതി സര്‍വകലാശാല എത്രയും പെട്ടെന്നു തീര്‍പ്പാക്കണമെന്നാണ് സര്‍ക്കാരിന്റെ നിലപാട്.
You must be logged in to post a comment Login