ലോക മലയാളികൾ ഏറെ പ്രതീക്ഷയോടെ കാത്തിരിക്കുന്ന സിനിമയാണ് ‘മരക്കാർ: അറബിക്കടലിന്റെ സിംഹം’. സിനിമയുടെ കൗണ്ട്ഡൗൺ മോഷൻ പോസ്റ്റർ പുറത്തുവിട്ടിരിക്കുകയാണ് അണിയറ പ്രവർത്തകർ. ഒടിടി റിലീസെന്ന ആശങ്കകളൊക്കെ വിരാമം കുറിച്ചുകൊണ്ട് ‘മരക്കാർ: അറബിക്കടലിന്റെ സിംഹം’ തിയറ്ററുകളിലെത്തുന്നതിന്റെ ആവേശത്തിലാണ് എല്ലാവരും.
‘മരക്കാർ: അറബിക്കടലിന്റെ സിംഹം’ റിലീസിന് 10 ദിവസം ശേഷിക്കെയാണ് കൗണ്ട്ഡൗൺ മോഷൻ പോസ്റ്റർ പുറത്തുവിട്ടിരിക്കുന്നത്. ‘മരക്കാർ: അറബിക്കടലിന്റെ സിംഹ’ത്തിന് ഒട്ടേറെ ഫാൻസ് ഷോകളും സംഘടിപ്പിക്കുന്നുണ്ട്. വളരെക്കാലത്തിന് ശേഷം ഒരു മോഹൻലാൽ ചിത്രം തിയറ്ററുകളിലെത്തുന്നതിന്റെയും ആവേശമാണ് കാണുന്നത്.
പ്രിയദർശൻ സംവിധാനം നിർവഹിച്ച ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമിക്കുന്നത്. അർജുൻ, സുനിൽ ഷെട്ടി, പ്രഭു, മഞ്ജു വാര്യർ, കീർത്തി സുരേഷ്, പ്രണവ് മോഹൻലാൽ, മുകേഷ്, നെടുമുടി വേണു തുടങ്ങി ഒട്ടേറെ പേർ കഥാപാത്രങ്ങളായി എത്തുന്നുണ്ട്. പ്രിയദർശനും അനി ഐ വി ശശിയും ചേർന്ന് തിരക്കഥ എഴുതിയ ചിത്രം ഡിസംബർ 2 ന് തീയേറ്ററുകളിലെത്തും .
You must be logged in to post a comment Login