ലോക ടെലിവിഷൻ ദിനത്തോടനുബന്ധിച്ച് രാജ് നാരായൺജി ദൃശ്യ മാധ്യമ പുരസ്കാരങ്ങൾ വിതരണം ചെയ്തു. മികച്ച സാമൂഹിക പ്രതിബദ്ധതയുള്ള ഓൺലൈൻ മാധ്യമത്തിനുള്ള പുരസ്കാരം ഗതാഗത മന്ത്രി ആന്റണി രാജുവിൽ നിന്നും വിസ്മയ ന്യൂസ് ഏറ്റുവാങ്ങി.
പ്രമുഖ സോഷ്യലിസ്റ്റും മുൻ കേന്ദ്ര മന്ത്രിയുമായ രാജ് നാരായൺജിയുടെ സ്മരണാർത്ഥം ജീവകാരുണ്യ മേഘലയിൽ പ്രവർത്തിച്ചു വരുന്ന
ലോക്ബന്ധു രാജ് നാരായൺജി ഫൗണ്ടേഷൻ ആണ് അവാർഡ് വിതരണം സംഘടിപ്പിച്ചത്. അശരണരും നിരമ്പലരുമായ ആയിരക്കണക്കിന് ആളുകൾക്ക് വിസ്മയ ന്യൂസ് തുണയായിട്ടുണ്ട്. രാത്രിയെന്നോ പകലെന്നോ ഇല്ലാതെ ജനങ്ങളിലേക്ക് ഇറങ്ങിച്ചെന്ന് അവരുടെ പ്രശ്നങ്ങൾക്ക് കൂടെനിന്ന് പരിഹാരം കണ്ടതിനാണ് വിസ്മയന്യൂസ് ഈ നേട്ടം കൈവരിച്ചത്. ഗതാഗതമന്ത്രി ആന്റണി രാജുവിൽ നിന്നും വിസ്മയന്യൂസ് ബീറ്റ് റിപ്പോർട്ടർ വിസ്മയന്യൂസ് രജിത് കാര്യത്തിൽ പുരസ്കാരം ഏറ്റുവാങ്ങി.
കഴിഞ്ഞ ദിവസം തിരുവനന്തപുരം വൈലോപള്ളി സംസ്കൃതി ഭവനിൽ വച്ചാണ് ചടങ്ങ് സംഘടിപ്പിച്ചത്. വാർത്താ വിഭാഗത്തിൽ 19 പേർക്കും ടെലിവിഷൻ, സീരിയൽ രംഗത്തെ 46 പേർക്കും ചേർത്ത് 65 വ്യക്തിത്വങ്ങൾക്കുമാണ് പുരസ്കാങ്ങൾ നൽകിയത്.ഗതാഗത വകുപ്പ് മന്ത്രി ആൻറണി രാജു,എം എൽ എ മാരായ വി കെ പ്രശാന്ത്,ഐ ബി സതീഷ് ,എം വിൻസൻ്റ്മേയർ ആര്യാരാജേന്ദ്രൻ,ജില്ലാ പഞ്ചായത്ത് പ്രസിഡൻ്റ് ഡി.സുരേഷ് കുമാർ, ഡപ്യൂട്ടി മേയർ, പി കെ രാജു തുടങ്ങിയവർ പുരസ്കാരങ്ങൾ വിതരണം ചെയ്തു. ചടങ്ങിൽ സമൂഹിക, സാംസ്കാരിക, സാമൂഹിക, രാഷട്രീയ, കലാരംഗത്തുള്ളവർ സന്നിഹതരായിരുന്നു.
You must be logged in to post a comment Login