Saturday, August 13, 2022

ഓഡി 5 ഇനി സ്‌പോർട്ടി എസ്‍യുവിയായി എത്തും ;വില 58.93 ലക്ഷം

ഔഡിയുടെ പ്രീമിയം എസ്‍യുവി ക്യൂ5 ന്റെ പുതിയ വകഭേദം വിപണിയിൽ. രണ്ടു മോഡലുകളിലായി എത്തിയ വാഹനത്തിന്റെ എക്സ്‌ഷോറൂം വില 58.93 ലക്ഷം രൂപയും 63.77 ലക്ഷം രൂപയുമാണ്. ഇന്ത്യൻ വാഹന വിപണി ബിഎസ് 6 നിലവാരത്തിലേക്ക് ഉയർത്തിയതിനെ തുടർന്ന് വിപണിയിൽനിന്ന് പിൻവലിച്ച ക്യൂ 5 ഒരു വർഷത്തിനു ശേഷമാണ് തിരിച്ചെത്തുന്നത്.

audi-q5-2
പ്രീമിയം പ്ലസ്, ടെക്നോളജി എന്നി വകഭേദങ്ങളിലാണ് വാഹനം വിപണിയിലെത്തിയത്. രണ്ടു ലീറ്റർ നാലു സിലിണ്ടർ ടർബോ പെട്രോൾ എൻജിനാണ് വാഹനത്തില്‍. 249 ബിഎച്ച്പി കരുത്തും 370 എൻഎം ടോർക്കും നൽകും ഈ എൻജിൻ. ഏഴു സ്പീഡ് ഡ്യുവൽ ക്ലച്ച് ഗിയർബോക്സാണ്.

audi-q5-3
കഴിഞ്ഞ മോ‍ഡലിൽനിന്ന് കാര്യമായ മാറ്റങ്ങളുമായാണ് പുതിയ വാഹനം പുറത്തിറങ്ങിയത്. വലുപ്പവും വീതിയും കൂടിയ ഹെക്സഗണൽ ഗ്രില്‍, വെർട്ടിക്കൽ ക്രോം സ്ട്രിപ്, 19 ഇഞ്ച് എസ് ഡിസൈൻ അലോയ് വീലുകൾ, റീസ്റ്റൈൽഡ് എൽഇഡി ടെയിൽ ലാംപ്, റീഡിസൈൻ ചെയ്ത ബംബർ എന്നിവയുണ്ട്.

audi-q5-1
ഉള്ളിലെ പ്രധാന മാറ്റം 10.1 ഇഞ്ച് ടച്ച് സ്ക്രീൻ ഇൻഫോടെയ്ൻമെന്റ് സിസ്റ്റമാണ്. ഔഡിയുടെ എംഐബി3 പ്ലാറ്റ്ഫോമിലാണ് ഇൻഫോടെയ്ൻമെന്റ് സിസ്റ്റം. കൂടാതെ പുതിയ വെർച്വൽ കോക്പിറ്റ് പ്ലസ്, ബി ആൻഡ് ഒ 3ഡി പ്രീമിയം സൗണ്ട് സിസ്റ്റം, ഓട്ടമാറ്റിക്ക് ക്ലൈമറ്റ് കണ്‍ട്രോൾ എന്നിവയും പുതിയ ക്യൂ 5ലുണ്ട്

Related Articles

LEAVE A REPLY

Please enter your comment!
Please enter your name here

- Advertisement -

Latest Articles

- Advertisement -

Latest Articles