സ്ത്രീകൾക്കെതിരായ അതിക്രമം തടയുന്നതിനുള്ള അന്താരാഷ്ട്ര ദിനം ഇന്ന്. 16 ദിവസം നീണ്ടുനിൽക്കുന്ന ബോധവത്കരണ പരിപാടികളാണ് ഐക്യരാഷ്ട്ര സംഘടന ഇത്തവണ സംഘടിപ്പിച്ചിരിക്കുന്നത്. മനുഷ്യാവകാശ ദിനമായ ഡിസംബർ 10ന് പരിപാടികൾ അവസാനിക്കും.
ലോകത്ത് 3 സ്ത്രീകളിൽ ഒരാൾ ജീവിതത്തിൽ എപ്പോഴെങ്കിലും അതിക്രമത്തിന് ഇരയാകുന്നുണ്ടെന്നാണ് റിപ്പോർട്ട്. അക്രമവും അനീതിയും തിരിച്ചറിയപ്പെടാതെ പോകുന്നതും ഭയവും പരാതി നൽകുന്നതിൽ നിന്ന് സ്ത്രീകളെ പിന്തിരിപ്പിക്കുന്നു.
സ്ത്രീകൾക്ക് അവരുടെ അവകാശങ്ങളെക്കുറിച്ചുള്ള ബോധവത്കരണം നൽകുന്നതിനും യുഎൻ മാർഗനിർദ്ദേശമുണ്ട്. സ്ത്രീകൾക്കെതിരെയുള്ള അതിക്രമങ്ങൾ അവസാനിപ്പിക്കാൻ ഒത്തുചേരുക എന്ന സന്ദേശമുയർത്തിയാണ് നവംബർ 25ന് ഓറഞ്ച് ദിനമായി പ്രഖ്യാപിചിരിക്കുന്നത്.
You must be logged in to post a comment Login