ആറ്റിങ്ങലിലെ പിങ്ക് പൊലീസ് ഉദ്യോഗസ്ഥയുടെ പരസ്യ വിചാരണാ ദൃശ്യങ്ങള് പരിശോധിച്ച് ഹൈക്കോടതി.കേസില് ഉദ്യോഗസ്ഥയെ സ്ഥലംമാറ്റിയത് സംബന്ധിച്ച് റിപ്പോര്ട്ട് സമര്പ്പിക്കാന് ഹൈക്കോടതി പൊലീസിന് നിര്ദേശം നല്കി. കുട്ടിയുടെ മാനസികാവസ്ഥ സംബന്ധിച്ച വിവരങ്ങള് റിപ്പോര്ട്ടില് ഉള്പ്പെടുത്തണമെന്നും കോടതി നിര്ദേശം നല്കി. സംഭവം മകള് ഉള്ള ഒരച്ഛനും സഹിക്കാനാകില്ല. ദൃശ്യങ്ങള് മാനസിക വിഷമമുണ്ടാക്കുന്നതാണ്.
മൊബൈല് ഫോണ് സുരക്ഷിതമായി സൂക്ഷിക്കേണ്ടത് പൊലീസ് ഉദ്യോസ്ഥയുടെ ചുമതലയാണെന്നും അതിന് എന്തിനാണ് കുട്ടിയെ ചോദ്യം ചെയ്തെന്നും കോടതി ചോദിച്ചു. പൊലീസ് ഉദ്യോഗസ്ഥയെ സ്ഥലംമാറ്റിയെന്ന സര്ക്കാര് അഭിഭാഷകന്റെ മറുപടിക്ക് സ്ഥലംമാറ്റം ഒരു ശിക്ഷയാണോ എന്നായിരുന്നു കോടതിയുടെ മറുചോദ്യം.കേസ് പരിഗണിച്ചുതുടങ്ങിയ ഘട്ടത്തില് തന്നെ രൂക്ഷ വിമര്ശനമാണ് കോടതിയുടെ ഭാഗത്തുനിന്നുമുണ്ടായത്.കേസുമായി ബന്ധപ്പെട്ട് ഡിസംബര് ഏഴിനുമുന്പ് റിപ്പോര്ട്ട് സമര്പ്പിക്കണം.
You must be logged in to post a comment Login