മലയിൻകീഴ് : കരിപ്പൂർ ഭാഗത്ത് മണ്ണിടിച്ചിലിൽ രണ്ടു വീടുകൾ നിലംപൊത്താവുന്ന അവസ്ഥയിൽ. വീട്ടുകാരെ മാറ്റിപ്പാർപ്പിച്ചു.പ്രവാസിയും കോട്ടയം സ്വദേശിയുമായ കരിപ്പൂര് കോടങ്കണ്ടത്തു വർഗീസ് ചാക്കോയുടെ വീടിന്റെ പിറകുവശത്തെ കോൺക്രീറ്റ് സംരക്ഷണഭിത്തിയും മതിലും ശുചിമുറിയും നിലംപൊത്തി. അൻപതടിയിലേറെ ഉയരത്തിലാണ് നൂറ് മീറ്ററോളം നീളത്തിൽ ഞായറാഴ്ച രാത്രി ഇടിഞ്ഞത്. ഇതിനു മുകളിലെ വീടുകളാണ് അപകടാവസ്ഥയിലായത്. വീടിന്റെ ചുവരുകളും തറയും വിണ്ടുകീറി. കരിപ്പൂര് ഉദയഗിരിയിൽ സി.ഗോപിനാഥൻ നായരുടെ വീടിനോടു ചേർന്നും മണ്ണിടിഞ്ഞു. ഇരു വീട്ടുകാരും തൊട്ടു താഴെയുള്ള വീട്ടിലെ ആളുകളും അധികൃതരുടെ നിർദേശപ്രകാരം മറ്റൊരിടത്തേക്ക് താൽക്കാലികമായി താമസം മാറി.
You must be logged in to post a comment Login