മുല്ലപ്പെരിയാർ ജലനിരപ്പ് അനുവദനീയമായ പരമാവധി സംഭരണ ശേഷിയിൽ എത്തിയതോടെ തമിഴ്നാട് കൂടുതൽ ഷട്ടറുകൾ ഉയർത്തി

മുല്ലപ്പെരിയാർ അണക്കെട്ടിലെ ജലനിരപ്പ് അനുവദനീയമായ പരമാവധി സംഭരണ ശേഷിയിൽ എത്തിയതോടെ തമിഴ്നാട് കൂടുതൽ ഷട്ടറുകൾ ഉയർത്തി.നിലവിൽ 9 ഷട്ടറുകൾ ഉയർത്തി സെക്കൻ്റിൽ 5691 ഘനയടി ജലമാണ് ഇടുക്കി അണക്കെട്ടിലേയ്ക്ക് ഒഴുക്കി വിടുന്നത്. ഈ സാഹചര്യത്തിൽ പെരിയാർ നദിയുടെ ഇരുകരകളിലുമുള്ളവർ ജാഗ്രത പാലിക്കണമെന്ന് ജില്ലാ കളക്ടർ അറിയിച്ചു.142 അടി പിന്നിട്ടതോടെ പുതിയതായി 8 ഷട്ടറുകളാണ് ഉയർത്തിയത്.ജലനിരപ്പ് കൂടുതൽ ഉയർന്നാൽ ഇടുക്കി അണക്കെട്ട് തുറക്കാന്‍ സാധ്യത ഉണ്ട്. 2400.44 അടിയാണ് നിലവിലെ ജലനിരപ്പ്. 2403 അടിയാണ് ഇടുക്കിയുടെ പരമാവധി സംഭരണ ശേഷി.