തൃക്കാക്കര സാഗരസഭാസംഘർഷത്തിൽ രണ്ട് കൗൺസിലർമാർ അറസ്റ്റിലായി. സിപിഐ കൗൺസിലർ ഡിക്‌സൺ, കോൺഗ്രസ് കൗൺസിലർ സി സി വിജു എന്നിവരാണ് അറസ്റ്റിലായത്.
നഗരസഭാ ചെയർപേഴ്‌സൺ അജിത തങ്കപ്പന്റെ ചേംബറിലെ പൂട്ട് മാറ്റുന്നതുമായി ബന്ധപ്പെട്ടാണ് സംഘർഷമുണ്ടായത്. പ്രതിപക്ഷ-ഭരണപക്ഷ അംഗങ്ങൾ തമ്മിലുണ്ടായ സംഘർഷത്തിൽ ചെയർപേഴ്‌സൺ ഉൾപ്പെടെ ആറുപേർക്ക് പരുക്കേറ്റിരുന്നു.
ചെയർ പേഴ്സൺ അജിത തങ്കപ്പന്റെ പരാതിയിലാണ് ഡിക്‌സണെ അറസ്റ്റ് ചെയ്തത്. സ്ത്രീത്വത്തെ അപമാനിച്ചെന്നത് ഉൾപ്പെടെയുള്ള കുറ്റങ്ങളാണ് ഇയാൾക്കെതിരെ ചുമത്തിയിരിക്കുന്നത്. പ്രതിപക്ഷ കൗൺസിലർമാരെ ആക്രമിച്ചതിനാണ് സി സി വിജുവിനെ അറസ്റ്റ് ചെയ്തത്.
You must be logged in to post a comment Login