കുഞ്ചാക്കോ ബോബനെ നായകനാക്കി അഷ്റഫ് ഹംസ സംവിധാനം ചെയ്ത ‘ഭീമന്റെ വഴി’ ഇന്നുമുതല് തിയറ്ററുകളില്. ചെമ്പന് വിനോദ് ജോസിന്റേതാണ് ചിത്രത്തിന്റെ തിരക്കഥ. ഒരു പ്രധാന കഥാപാത്രത്തെയും ചെമ്പന് അവതരിപ്പിച്ചിട്ടുണ്ട്. ‘തമാശ’ എന്ന വിജയചിത്രത്തിലൂടെ സംവിധായകനായി അരങ്ങേറിയ അഷ്റഫിന്റെ രണ്ടാം ചിത്രമാണിത്.
കേരളത്തില് 109 സ്ക്രീനുകളിലാണ് ചിത്രം റിലീസ് ചെയ്യപ്പെടുക.ചിത്രത്തിന്റെ തിയറ്റര് ലിസ്റ്റ് അണിയറക്കാര് പുറത്തുവിട്ടിട്ടുണ്ട്. ചിന്നു ചാന്ദ്നിയാണ് ചിത്രത്തില് നായിക. ജിനു ജോസഫ്, വിന്സി അലോഷ്യസ്, നിര്മ്മല് പാലാഴി എന്നിവരും പ്രധാന കഥാപാത്രങ്ങളെ അവതരിപ്പിച്ചിരിക്കുന്നു. ചെമ്പോസ്കി മോഷന് പിക്ചേഴ്സ്, ഒപിഎം സിനിമാസ് എന്നീ ബാനറുകളില് ചെമ്പന് വിനോദ് ജോസും റിമ കല്ലിങ്കലും ആഷിക് അബുവും ചേര്ന്നാണ് നിര്മ്മാണം. വിതരണം ഒപിഎം സിനിമാസ്.
You must be logged in to post a comment Login