സിനിമാ പ്രേക്ഷകർ ആകാംക്ഷയോടെ കാത്തിരുന്ന എസ്.എസ്. രാജമൗലി ചിത്രം രുധിരം രണം രൗദ്രത്തിന്റെ ട്രെയിലർ പുറത്തിറങ്ങി. ചിത്രത്തിൽ രാമരാജുവായി രാം ചരൺ തേജയും ഭീം ആയി ജൂനിയർ എൻ.ടി.ആറും വേഷമിട്ടിരിക്കുന്നു. അല്ലൂരി സീതാ രാമരാജു, കൊമരം ഭീം എന്നിവരുടെ ജീവിതത്തിൽ നിന്നും പ്രചോദനമുൾക്കൊണ്ടാണ് ചിത്രം നിർമിച്ചിരിക്കുന്നത്.ആവേശമുണർത്തുന്ന രംഗങ്ങൾ നിറഞ്ഞതാണ് ട്രെയിലർ.
അജയ് ദേവ്ഗൺ, ആലിയാ ഭട്ട്, ശ്രീയ ശരൺ, സമുദ്രക്കനി, ഒലിവിയ മോറിസ്, എന്നിവരും ചിത്രത്തിലെത്തുന്നത്. അജയ് ദേവ്ഗൺ, ആലിയാ ഭട്ട് എന്നിവർ അഭിനയിക്കുന്ന ആദ്യ തെലുങ്ക് ചിത്രം കൂടിയാണ് രുധിരം രണം രൗദ്രം. വി. വിജയേന്ദ്ര പ്രസാദിന്റെ കഥയ്ക്ക് സംവിധായകൻ രാജമൗലി തന്നെയാണ് തിരക്കഥയൊരുക്കിയിരിക്കുന്നത്. കെ.കെ. സെന്തിൽ കുമാർ ക്യാമറയും എം.എം. കീരവാണി സംഗീതസംവിധാനവും ശ്രീകർ പ്രസാദ് എഡിറ്റിങ്ങും നിർവഹിച്ചിരിക്കുന്നു. കിങ് സോളമനാണ് സംഘട്ടന സംവിധാനം. ഡി.വി.വി എന്റർടെയിൻമെന്റിന്റെ ബാനറിൽ ഡി.വി.വി ദാനയ്യയാണ് ചിത്രം നിർമിച്ചിരിക്കുന്നത്.
You must be logged in to post a comment Login