ഒപ്പോ കെ9 സീരീസിലെ പുതിയ ഹാൻഡ്സെറ്റിൽ ഡ്യുവൽ-ടോൺ റിയർ പാനൽ ഡിസൈനാണ് കാണുന്നത്. ഒപ്പോ കെ9എക്സിലെ 6.5-ഇഞ്ച് എൽസിഡി പഞ്ച്-ഹോൾ ഡിസ്പ്ലേയ്ക്ക് 1080 x 2400 പിക്സലിന്റെ ഫുൾ എച്ച്ഡിപ്ലസ് റെസലൂഷനും 90Hz റിഫ്രഷ് റേറ്റ് മികവും ഉണ്ട്.
16 മെഗാപിക്സലിന്റേതാണ് സെൽഫി ക്യാമറ. പിന്നിൽ 64 മെഗാപിക്സലിന്റെ പ്രാഥമിക ക്യാമറയുമുണ്ട്. പ്രധാന ലെൻസിനൊപ്പം 2 മെഗാപിക്സൽ മാക്രോ ക്യാമറയും 2 മെഗാപിക്സൽ ഡെപ്ത് സെൻസറും ഉൾപ്പെടുത്തിയിട്ടുണ്ട്. ബ്ലൂ, ബ്ലാക്ക് കളർ ഓപ്ഷനുകളിൽ ഫോൺ ലഭ്യമാണ്. ആൻഡ്രോയിഡ് 11 അടിസ്ഥാനമാക്കിയുള്ള കളർഒഎസ് 12 UI ലാണ് ഒപ്പോ കെ9എക്സ് പ്രവര്ത്തിക്കുന്നത്.
5ജി നെറ്റ്വർക്ക് കണക്റ്റിവിറ്റി പ്രവർത്തനക്ഷമമാക്കുന്ന മീഡിയടെക് ഡൈമൻസിറ്റി 810 ആണ് പ്രോസസർ. ഇത് ഒന്നിലധികം വേരിയന്റുകളിൽ ലഭ്യമാകും. 6 ജിബി റാം 128 ജിബി സ്റ്റോറേജ്, 8 ജിബി റാം 128 ജിബി സ്റ്റോറേജ്, 8 ജിബി റാം 256 ജിബി സ്റ്റോറേജ് വേരിയന്റുകളിലെല്ലാം വാങ്ങാം. വില വിവരങ്ങൾ വെളിപ്പെടുത്തിയിട്ടില്ല. ഡിസംബർ 27 ന് നടക്കുന്ന ആദ്യ ഫ്ലാഷ് സെയിലിന് മുൻപ് വിലവിവരങ്ങൾ വെളിപ്പെടുത്തുമെന്നാണ് കരുതുന്നത്.
33W ഫാസ്റ്റ് ചാർജിങ് പിന്തുണയുള്ള 5000 എംഎഎച്ച് ബാറ്ററിയാണ് സ്മാർട് ഫോൺ പായ്ക്ക് ചെയ്യുന്നത്. ഒപ്പോ കെ9എക്സിന് 3.5 എംഎം ഓഡിയോ ജാക്ക്, യുഎസ്ബി ടൈപ്പ്-സി പോർട്ട്, സൈഡ് മൗണ്ടഡ് ഫിംഗർപ്രിന്റ് സ്കാനർ എന്നിവയുണ്ട്.
You must be logged in to post a comment Login