രാജസ്ഥാനിലെ ഉദയ്പുറില് രാജ്യത്തെ രണ്ടാമത്തെ ഒമിക്രോണ് മരണം റിപ്പോര്ട്ട് ചെയ്തു. ഒമിക്രോണ് സ്ഥരീകരിച്ച 73-കാരനായ വ്യക്തിക്ക് രക്താതിസമ്മര്ദ്ദവും പ്രമേഹവും ബാധിച്ചിരുന്നു.
ഈ മാസം 21-ന് കോവിഡ് പരിശോധനാ ഫലം നെഗറ്റീവായിരുന്നു. 25 ന് വീണ്ടും കോവിഡ് പോസിറ്റീവ് ആകുകയും ഓമിക്രോണ് സ്ഥിരീകരിക്കുകയുമായിരുന്നു. കോവിഡാനന്തര ന്യൂമോണിയ ബാധിച്ചാണ് മരണമെന്ന് ആശുപത്രി അധികൃതര് അറിയിച്ചു.
മഹാരാഷ്ട്രയിലാണ് രാജ്യത്തെ ആദ്യ ഒമിക്രോണ് മരണം സ്ഥിരീകരിച്ചത്. നൈജീരിയില് നിന്നെത്തിയ 52-കാരന് കഴിഞ്ഞ ദിവസമാണ് മഹാരാഷ്ട്രയില് മരിച്ചത്. പിന്നീട് നടന്ന പരിശോധനയില് ഒമിക്രോണ് സ്ഥിരീകരിക്കുകയായിരുന്നു.
You must be logged in to post a comment Login