ഒറ്റ പ്രാവശ്യം ചാർജു ചെയ്താൽ 400 കിലോമീറ്റർ സഞ്ചരിക്കുന്ന ടാറ്റ നെക്സോൺ ഏപ്രിലിൽ വിപണിയിലെത്തും. വലിയ ബാറ്ററിയും ചെറിയ സാങ്കേതിക മാറ്റങ്ങളുമായിട്ടാണ് ലോങ് റേഞ്ച് നെക്സോൺ ടാറ്റ മോട്ടോഴ്സ് വിപണിയിലെത്തിക്കുക.
റേഞ്ച് കൂടിയ നെക്സോൺ, മാറ്റങ്ങൾ എന്തൊക്കെ എന്നാൽ നിലവിലെ ബാറ്ററിയെക്കാൾ 30 ശതമാനം വരെ വലിയ ഏകദേശം 40 കിലോവാട്ട് ഉള്ള ബാറ്ററി പാക്കാണ് പുതിയ നെക്സോണിൽ ഉപയോഗിക്കുക. പരീക്ഷണയോട്ടം നടത്തുന്ന ലോങ് റേഞ്ച് നെക്സോണിന് ഒറ്റചാർജിൽ 400 കിലോമീറ്റർ വരെ റേഞ്ച് ലഭിച്ചു എന്നാണ് ടാറ്റയിൽ നിന്ന് ലഭിക്കുന്ന അനൗദ്യോഗിക വിവരങ്ങൾ. നിലവിൽ 3.3 കിലോവാട്ട് എസി ചാർജർ ഉപയോഗിക്കുന്ന കാർ പൂർണമായും ചാർജ് ചെയ്യാൻ 10 മണിക്കൂർ വേണം. വലിയ ബാറ്ററി എത്തുമ്പോൾ ചാർജിങ് സമയം കൂടാതിരിക്കാൻ 6.6 കിലോവാട്ട് എസി ചാർജറും എത്തും. കാറിന്റെ അടിത്തട്ടിലെ പരിഷ്കാരത്തിനൊപ്പം സംഭരണ സ്ഥലത്തിലും വിട്ടുവീഴ്ച ചെയ്താവും നിർമാതാക്കൾ ബാറ്ററി ശേഷി ഉയർത്തുകയെന്നാണു സൂചന. ശേഷിയേറിയ ബാറ്ററി എത്തുന്നതോടെ വാഹനഭാരവും 100 കിലോഗ്രാമോളം ഉയരും.
You must be logged in to post a comment Login