ഡല്ഹി: രാജീവ് ഗാന്ധി വധക്കേസ് പ്രതി പേരറിവാളനെ മോചിപ്പിക്കാൻ സുപ്രീം കോടതി ഉത്തരവിട്ടു. 31 വർഷം ജയിലിൽ കിടന്ന അദ്ദേഹം തമിഴ്നാട് സർക്കാരിന്റെ അപേക്ഷയെ തുടർന്നാണ് പുറത്തിറങ്ങിയത്.
30 വർഷത്തിലേറെ നീണ്ട ജയിൽവാസവും പരോളിൽ പുറത്തിറങ്ങിയപ്പോൾ പരാതികളുടെ ചരിത്രമൊന്നുമില്ലാത്തതും കണക്കിലെടുത്ത് മാർച്ച് 9 ന് സുപ്രീം കോടതി പേരറിവാളന് ജാമ്യം അനുവദിച്ചു.
ഭരണഘടനയുടെ 142-ാം അനുഛേദം ഉപയോഗിച്ചാണ് സുപ്രീംകോടതിയുടെ വിധി.
പേരറിവാളന്റെ മോചനത്തില് സര്ക്കാര് അന്തിമ തീരുമാനം എടുക്കാതെ വന്നതോടെയാണ് പേരറിവാളന് സുപ്രീംകോടതിയെ സമീപിച്ചത്.
വര്ഷങ്ങള് കഴിഞ്ഞിട്ടും തമിഴ്നാട് സര്ക്കാറിന്റെ ശുപാര്ശയില് ഗവര്ണര് തീരുമാനമെടുക്കാത്തതില് സുപ്രീംകോടതി അതൃപ്തി അറിയിച്ചിരുന്നു.
ഗവര്ണര് തീരുമാനമെടുക്കാത്ത സാഹചര്യത്തില് ജസ്റ്റിസ് എല് നാഗേഷ്വര് റാവു അധ്യക്ഷനാനയ ബെഞ്ച് എല്ലാ കക്ഷികളുടെയും വാദം കേട്ട് വിധി പറയുകയായിരുന്നു.
ശിക്ഷാകാലയളവിലെ നല്ല നടപ്പും മാനുഷിക പരിഗണനയും വെച്ച് കോടതി പേരറിവാളന് നേരത്തെ തന്നെ കോടതി ജാമ്യം അനുവദിച്ചിരുന്നു.
You must be logged in to post a comment Login