Connect with us

Hi, what are you looking for?

LATEST NEWS

നത്തിംഗ് ഫോണ്‍ ഇന്ത്യയില്‍ തന്നെ നിര്‍മ്മിക്കും; ഫോണ്‍ ഇങ്ങനെയിരിക്കും

കാൾ പേയുടെ നേതൃത്വത്തിലുള്ള നതിംഗ് ഇന്ത്യയിൽ നതിംഗ് ഫോൺ (1) (Nothing Phone 1) അവതരിപ്പിക്കാൻ ഒരുങ്ങുകയാണ്. വരാനിരിക്കുന്ന സ്മാർട്ട്‌ഫോൺ ജൂലൈ 12 ന് രാജ്യത്ത് അവതരിപ്പിക്കും എന്നാണ് ഏറ്റവും പുതിയ വിവരം. പുതിയ റിപ്പോര്‍ട്ട് അനുസരിച്ച് നതിംഗ് ഫോൺ (1) ഇന്ത്യയില്‍ നിര്‍മ്മിക്കുമെന്നാണ് കമ്പനി വൈസ് പ്രസിഡന്റ് മനു ശർമ്മ (Manu Sharma) വെളിപ്പെടുത്തി. അർദ്ധസുതാര്യമായ രൂപകൽപ്പനയുള്ള ഇയർ വൺ എന്ന് വിളിക്കപ്പെടുന്ന ഒരു ജോടി ടിഡബ്യൂഎസ് ഇയർബഡുകൾ മുന്‍പ് നത്തിംഗ് ഇന്ത്യയില്‍ അവതരിപ്പിച്ചിരുന്നു. സമാനമായ ഡിസൈനിലുള്ള ഫോണും കമ്പനി പുറത്തിറക്കുമെന്നാണ് പ്രതീക്ഷിക്കുന്നത്.

വൺപ്ലസ് സഹസ്ഥാപകനായ കാൾ പേയിൽ (Carl Pei) നിന്നുള്ള ഹാർഡ്‌വെയർ സ്റ്റാർട്ടപ്പ് അതിന്റെ ആദ്യ ഉൽപ്പന്നമായ ഇയർ (1) ഇയർബഡുകൾ 2021-ൽ പുറത്തിറക്കി, അന്നുമുതൽ നത്തിംഗ് ഫോണുകളെ സംബന്ധിച്ച് ഏറെ അഭ്യൂഹങ്ങള്‍ പരന്നിരുന്നു.

ഇയർബഡുകൾ പോലെ തന്നെ ഫോണിലും സുതാര്യമായ ഡിസൈന്‍ ഉണ്ടാകും. എന്നാല്‍ ഇത് ഡിസൈനില്‍ ചേര്‍ത്തതാണോ, അല്ല ശരിക്കും സുതാര്യമായി ഫോണിന്‍റെ ഉള്‍വശം കാണുന്ന രീതിയിലാണോ എന്ന് വ്യക്തമല്ല. പുതുതായി നത്തിംഗ് ട്വിറ്ററില്‍ പങ്കിട്ട ചിത്രം ഫോണിനെക്കുറിച്ചുള്ള രണ്ട് വിശദാംശങ്ങൾ വെളിപ്പെടുത്തുന്നു: അതിന് ഒരു ഡ്യുവൽ പിൻ ക്യാമറയും വയർലെസ് ചാർജിംഗും ഉണ്ട് എന്നതാണ്.

നത്തിംഗ് ഫോണ്‍ ക്യൂവല്‍കോം സ്നാപ്ഡ്രാഗണ്‍ (Qualcomm Snapdragon) ചിപ്‌സെറ്റിലാണ് പ്രവർത്തിക്കുക. ആന്‍ഡ്രോയ്ഡിന്‍റെ ഏറ്റവും പുതിയ പതിപ്പായിരിക്കും ഇതിന്‍റെ ഒഎസ്. എന്നാൽ മറ്റ് വിശദാംശങ്ങളൊന്നും ഔദ്യോഗികമായി ഇപ്പോള്‍ ലഭ്യമല്ല. 1,080×2400 പിക്‌സൽ റെസല്യൂഷനുള്ള 6.55 ഇഞ്ച് ഒഎല്‍ഇഡി ഡിസ്‌പ്ലേ ഇതിന് ഉണ്ടായിരിക്കുമെന്നു. ഫോണിന് ഒരു ഫ്ലാറ്റ് (ഐഫോൺ പോലെയുള്ളതായി കരുതുക) ഡിസൈൻ ഉണ്ടായിരിക്കുമെന്നുമാണ് അഭ്യൂഹം.

ജൂലൈ 12-ന് ഇന്ത്യയുൾപ്പെടെയുള്ള വിപണികളിൽ നത്തിംഗ് ഫോണ്‍ ലോഞ്ച് ചെയ്യും. ഉപയോക്താക്കൾക്ക് ജൂലൈ 12 മുതൽ 2000 രൂപ നൽകി ഈ ഫോണ്‍ മുൻകൂട്ടി ഓർഡർ ചെയ്യാവുന്നതാണ്. പ്രമുഖ ടിപ്‌സ്റ്റർ മുകുൾ ശർമ്മ ട്വിറ്ററില്‍ അറിയിച്ചു. ഒന്നിലധികം മെമ്മറി വേരിയന്റുകള്‍ ഈ ഫോണിനുണ്ടാകുമെന്ന് അദ്ദേഹം ട്വിറ്ററിൽ കുറിച്ചു. ഫോണിന്‍റെ ഫ്ലിപ്പ്കാർട്ട് ലിസ്റ്റിംഗും ശർമ്മ പങ്കിട്ടു. ഇതില്‍ ഒന്നിലധികം സ്റ്റോറേജ് വേരിയന്റുകളിൽ ഫോൺ വരുമെന്ന് ഇത് വ്യക്തമായി പറയുന്നുണ്ട്.

Click to comment

You must be logged in to post a comment Login

Leave a Reply

You May Also Like

WORLD

ആകാശ വിസ്മയക്കാഴ്ച കാണാൻ കാത്തിരിക്കുകയാണ് ലോകം. ഈ വര്‍ഷം ഏപ്രിലില്‍ സമ്പൂര്‍ണ്ണ സൂര്യഗ്രഹണം സംഭവിക്കുമെന്നാണ് റിപ്പോർട്ടുകൾ പറയുന്നത്. ഏപ്രില്‍ എട്ടിന് ഉച്ചയ്‌ക്ക് 2.12ന് ആരംഭിച്ച് 2.22ന് സമ്പൂര്‍ണ്ണ സൂര്യഗ്രഹണം അവസാനിക്കുമെന്നാണ് പ്രതീക്ഷിക്കുന്നത്. കാനഡ,...

CRIME

കൊച്ചി: ശാന്തീതീരം എന്ന സന്യാസാശ്രമം നടത്തുകയും ഒട്ടേറെ വിവാദങ്ങളിലും വഞ്ചനാക്കുറ്റങ്ങളിലും അറസ്റ്റിലായി ജയില്‍വാസം അനുഭവിക്കുകയും ചെയ്ത വിവാദനായകനായ സ്വയംപ്രഖ്യാപിത ആൾദൈവം സന്തോഷ് മാധവന്‍ അന്തരിച്ചു. ഹൃദയസംബന്ധമായ അസുഖത്തെ തുടർന്ന് കൊച്ചിയിലെ സ്വകാര്യ ആശുപത്രിയിലായിരുന്നു...

KERALA NEWS

ഗർഭിണിയായ യുവതിയെ തൂങ്ങി മരിച്ച നിലയിൽ കണ്ടെത്തി.തിരുവനന്തപുരം കല്ലമ്പലം ഒറ്റൂർ സ്വദേശിനി ലക്ഷ്മി (19) ആണ് മരിച്ചത്. ജനലിൽ തൂങ്ങി നിൽക്കുന്ന നിലയിലായിരുന്നു മൃതദേഹം കണ്ടെത്തിയത്.വർക്കല എസ് പി യുടെ നേതൃത്വത്തിൽ ഫോറൻസിക്...

KERALA NEWS

തൃശ്ശൂർ: കറുത്ത നിറമുള്ളവർ മോഹിനിയാട്ടം കളിക്കേണ്ടെന്ന അധിക്ഷേപ നിലപാട് ആവർത്തിച്ച് കലാമണ്ഡലം സത്യഭാമ. കലാഭവൻ മണിയുടെ സഹോദരൻ ആർഎൽവി രാമകൃഷ്ണനെ അധിക്ഷേപിക്കുന്ന നിലയിലുള്ള കലാമണ്ഡലം സത്യഭാമയുടെ പ്രസ്താവന വിവാദമായിരുന്നു. പല കോണിൽ നിന്നും...