‘മഹാവീര്യറി’ന്റെ പുതിയ ക്യാരക്ടര് പോസ്റ്റര് റിലീസ് ചെയ്തു. സിദ്ദിഖിന്റെ കഥാപാത്രത്തിന്റെ പോസ്റ്റര് ആണ് പുറത്തുവിട്ടിരിക്കുന്നത്. വീരേന്ദ്രകുമാര് എം എം എന്ന ചീഫ് ജുഡീഷ്യല് മജിസ്ട്രേറ്റായാണ് താരം ഈ ചിത്രത്തില് എത്തുന്നത്. ജൂലൈ 21നാണ് ചിത്രം തിയേറ്ററുകളിലെത്തുക. എബ്രിഡ് ഷൈന് ആണ് ചിത്രം സംവിധാനം ചെയ്യുന്നത്.
വര്ഷങ്ങള്ക്കു ശേഷമാണ് നിവിന് പോളിയും ആസിഫ് അലിയും ഒരുമിച്ച് അഭിനയിക്കുന്നത്. 1983, ആക്ഷന് ഹീറോ ബിജു എന്നീ സൂപ്പര്ഹിറ്റ് ചിത്രങ്ങള്ക്ക് ശേഷം മൂന്നാം തവണ നിവിന് പോളിയും എബ്രിഡ് ഷൈനും ഒന്നിക്കുന്ന ചിത്രവുമാണ് മഹാവീര്യര്. പ്രശസ്ത എഴുത്തുകാരന് എം മുകുന്ദന്റെ കഥയെ ആസ്പദമാക്കിയാണ് എബ്രിഡ് ഷൈന് തിരക്കഥയൊരുക്കിയിരിക്കുന്നത്.
ലാല്, ലാലു അലക്സ്, സിദ്ധിഖ്, ഷാന്വി ശ്രീവാസ്തവ, വിജയ് മേനോന്, മേജര് രവി, മല്ലിക സുകുമാരന്, സുധീര് കരമന, കൃഷ്ണ പ്രസാദ്, പദ്മരാജന് രതീഷ്, സുധീര് പറവൂര്, കലാഭവന് പ്രജോദ്, പ്രമോദ് വെളിയനാട്, ഷൈലജ പി അമ്പു എന്നിവര് മുഖ്യ വേഷങ്ങളിലെത്തുന്ന ഈ ചിത്രത്തില് മറ്റു പ്രമുഖ താരങ്ങളും അണിനിരക്കുന്നു.
You must be logged in to post a comment Login