Monday, August 8, 2022

എയർ-റെയിൽ സർക്കുലർ സർവീസുമായി കെഎസ്ആർടിസി സ്വിഫ്റ്റ്

തിരുവനന്തപുരം: ശമ്പള പ്രതിസന്ധി പരിഹരിക്കാൻ പുതിയ നീക്കവുമായി കെ.എസ്.ആർ.ടി.സി. 24 മണിക്കൂറും സജീവമായി സർവീസ് നടത്താനാണ് കെ.എസ്.ആർ.ടി.സിയുടെ തീരുമാനം. ഇതിനു വേണ്ടി എയർ-റെയിൽ സർക്കുലർ സർവീസുമായാണ് കെ എസ് ആർ ടി സി സ്വിഫ്റ്റ് രംഗത്തെത്തുന്നത്.

കെ.എസ്.ആർ.ടി.സി പുതുതായി വാങ്ങിയ ഇലക്ട്രിക് ബസുകൾ ഇതിനായി ഉപയോഗിക്കാനാണ് തീരുമാനം. തിരുവനന്തപുരം വിമാനത്താവളം, കെ.എസ്.ആർ.ടി.സി ബസ് സ്റ്റേഷൻ, റെയിൽവേ സ്റ്റേഷൻ എന്നിവയെ ബന്ധിപ്പിച്ച് 24 മണിക്കൂറും സർവീസ് ആരംഭിക്കുമെന്നാണ് ഏറ്റവും പുതിയ വിവരം.

തിരുവനന്തപുരം വിമാനത്താവളത്തിലെ ആഭ്യന്തര, അന്തർദേശീയ ടെർമിനലുകളിൽ ബസ് എത്തി തമ്പാനൂർ ബസ് സ്റ്റാൻഡിലേക്കും സെൻട്രൽ റെയിൽവേ സ്റ്റേഷനിലേക്കും മടങ്ങുന്ന തരത്തിലാണ് എയർ-റെയിൽ സർക്കുലർ സർവീസ് ആരംഭിക്കുക.

Related Articles

- Advertisement -

Latest Articles

- Advertisement -

Latest Articles