Connect with us

Hi, what are you looking for?

KERALA NEWS

നിത്യോപയോഗ സാധനങ്ങള്‍ക്ക് 5% ജിഎസ്ടി: നടപ്പാക്കില്ലെന്ന മുഖ്യമന്ത്രിയുടെ വാദം പൊളിയുന്നു

തിരുവനന്തപുരം: നിത്യോപയോഗ സാധനങ്ങളുടെ ജിഎസ്ടി 5% വർധിപ്പിക്കാനുള്ള തീരുമാനം സംസ്ഥാനത്ത് നടപ്പാക്കില്ലെന്ന മുഖ്യമന്ത്രി പിണറായി വിജയന്‍റെ വാദം പൊളിയുന്നു. കഴിഞ്ഞ ദിവസം മുഖ്യമന്ത്രിയുടെ ഉറപ്പിന് മുമ്പുതന്നെ കേരളം നികുതി നടപ്പാക്കാൻ തുടങ്ങിയിട്ടുണ്ട്. ഈ മാസം 18നാണ് ജിഎസ്ടി വർദ്ധനവ് നടപ്പാക്കി കേരളം ഉത്തരവിറക്കിയത്. കഴിഞ്ഞ ഒരാഴ്ചയായി സംസ്ഥാനത്ത് ഈ ജിഎസ്ടി ചുമത്തിയിട്ടുണ്ട്. കേന്ദ്രം നടപ്പാക്കിയ അതേ നികുതി വർദ്ധനവാണ് കേരളവും നടപ്പാക്കുന്നത്.

മെയ് 18 മുതൽ അരി, ഗോതമ്പ്, പയർവർഗ്ഗങ്ങൾ എന്നിവയുടെ പായ്ക്ക് ചെയ്ത് ചില്ലറയായി നടത്തുന്ന വിൽപ്പനയ്ക്ക് കേന്ദ്രം 5% നികുതി ഏർപ്പെടുത്തിയിട്ടുണ്ട്. ഇതിൽ 2.5 ശതമാനം കേന്ദ്രത്തിനും 2.5 ശതമാനം കേരളത്തിനുമാണ്. ജി.എസ്.ടി വർദ്ധിപ്പിക്കാനുള്ള തീരുമാനം കേരളത്തിൽ നടപ്പാക്കില്ലെന്ന് മുഖ്യമന്ത്രി പിണറായി വിജയൻ വാർത്താസമ്മേളനത്തിൽ അറിയിച്ചിരുന്നു. ചെറുകിട വ്യാപാരികളും കുടുംബശ്രീ ഉൾപ്പെടെയുള്ള ചെറുകിട ഉത്പാദകരും പായ്ക്ക് ചെയ്ത് വിൽക്കുന്ന അരിയുടെയും പയറുവർഗ്ഗങ്ങളുടെയും ജിഎസ്ടി വർധിപ്പിക്കാനുള്ള തീരുമാനം കേരളത്തിൽ നടപ്പാക്കില്ലെന്ന് മുഖ്യമന്ത്രി വാർത്താസമ്മേളനത്തിൽ പറഞ്ഞത്.

ജി.എസ്.ടി കൗൺസിൽ യോഗങ്ങളിലും ജി.എസ്.ടി നിരക്ക് സംബന്ധിച്ച സമിതികളിലും കേരളം ഈ നിലപാട് ഉന്നയിച്ചിട്ടുണ്ട്. അവശ്യവസ്തുക്കളുടെ വില വർദ്ധനവിന് കാരണമാകുന്ന ജി.എസ്.ടി നിരക്ക് വർദ്ധനവ് പിന്‍വലിക്കണമെന്ന് ആവശ്യപ്പെട്ട് കഴിഞ്ഞ ദിവസം പ്രധാനമന്ത്രിക്ക് കത്തയച്ചതായും മുഖ്യമന്ത്രി പറഞ്ഞിരുന്നു. സാധാരണക്കാരെ ബാധിക്കുന്ന എല്ലാ നികുതി വർദ്ധനവിനും സംസ്ഥാനം എതിരാണ്. നിത്യോപയോഗ സാധനങ്ങളുടെ നികുതി വർദ്ധിപ്പിക്കരുതെന്നും പകരം ആഡംബര വസ്തുക്കളുടെ നികുതി വർദ്ധിപ്പിക്കണമെന്നുമാണ് ഇക്കാര്യത്തിൽ കേരളത്തിന്‍റെ നിലപാടെന്നും മുഖ്യമന്ത്രി പറഞ്ഞു.

You May Also Like

WORLD

ആകാശ വിസ്മയക്കാഴ്ച കാണാൻ കാത്തിരിക്കുകയാണ് ലോകം. ഈ വര്‍ഷം ഏപ്രിലില്‍ സമ്പൂര്‍ണ്ണ സൂര്യഗ്രഹണം സംഭവിക്കുമെന്നാണ് റിപ്പോർട്ടുകൾ പറയുന്നത്. ഏപ്രില്‍ എട്ടിന് ഉച്ചയ്‌ക്ക് 2.12ന് ആരംഭിച്ച് 2.22ന് സമ്പൂര്‍ണ്ണ സൂര്യഗ്രഹണം അവസാനിക്കുമെന്നാണ് പ്രതീക്ഷിക്കുന്നത്. കാനഡ,...

CRIME

കൊച്ചി: ശാന്തീതീരം എന്ന സന്യാസാശ്രമം നടത്തുകയും ഒട്ടേറെ വിവാദങ്ങളിലും വഞ്ചനാക്കുറ്റങ്ങളിലും അറസ്റ്റിലായി ജയില്‍വാസം അനുഭവിക്കുകയും ചെയ്ത വിവാദനായകനായ സ്വയംപ്രഖ്യാപിത ആൾദൈവം സന്തോഷ് മാധവന്‍ അന്തരിച്ചു. ഹൃദയസംബന്ധമായ അസുഖത്തെ തുടർന്ന് കൊച്ചിയിലെ സ്വകാര്യ ആശുപത്രിയിലായിരുന്നു...

KERALA NEWS

ഗർഭിണിയായ യുവതിയെ തൂങ്ങി മരിച്ച നിലയിൽ കണ്ടെത്തി.തിരുവനന്തപുരം കല്ലമ്പലം ഒറ്റൂർ സ്വദേശിനി ലക്ഷ്മി (19) ആണ് മരിച്ചത്. ജനലിൽ തൂങ്ങി നിൽക്കുന്ന നിലയിലായിരുന്നു മൃതദേഹം കണ്ടെത്തിയത്.വർക്കല എസ് പി യുടെ നേതൃത്വത്തിൽ ഫോറൻസിക്...

KERALA NEWS

തൃശ്ശൂർ: കറുത്ത നിറമുള്ളവർ മോഹിനിയാട്ടം കളിക്കേണ്ടെന്ന അധിക്ഷേപ നിലപാട് ആവർത്തിച്ച് കലാമണ്ഡലം സത്യഭാമ. കലാഭവൻ മണിയുടെ സഹോദരൻ ആർഎൽവി രാമകൃഷ്ണനെ അധിക്ഷേപിക്കുന്ന നിലയിലുള്ള കലാമണ്ഡലം സത്യഭാമയുടെ പ്രസ്താവന വിവാദമായിരുന്നു. പല കോണിൽ നിന്നും...