Connect with us

Hi, what are you looking for?

LATEST NEWS

ജിയോയുമായുള്ള പോരില്‍ പിടിച്ച് നിന്ന് എയര്‍ടെല്‍; വരുമാനം കൂടി, നേട്ടമായത് ഈ കാര്യം.!

ഇന്ത്യയിലെ രണ്ടാമത്തെ വലിയ ടെലികോം ഓപ്പറേറ്ററായ ഭാരതി എയർടെൽ തിങ്കളാഴ്ച പുറത്തുവിട്ട ത്രൈമാസ വരുമാനത്തിൽ 22.2 ശതമാനം വർദ്ധനവ്. 4ജി വരിക്കാരുടെ എണ്ണം കൂടിയതും, ഉയർന്ന ഡാറ്റ ഉപഭോഗവുമാണ് എയര്‍ടെല്ലിന് നേട്ടമായത്.

ടെലികോം വ്യവസായത്തിലെ ഒരു പ്രധാന പ്രകടന സൂചകമായ ഒരു ഉപയോക്താവിന്റെ ശരാശരി വരുമാനം (എആര്‍പിയു) ഈ പാദത്തിൽ എയര്‍ടെല്ലിന് 183 രൂപ ഉയർന്നു. ഒരു വർഷം മുമ്പ് ഇത് 146 രൂപയായിരുന്നു. ഇതേ കാലയളവിലെ എതിരാളികളായ റിലയൻസ് ജിയോയുടെയും വോഡഫോൺ ഐഡിയയുടെയും എആർപിയു യഥാക്രമം175.7 രൂപയും. 128 രൂപയുമാണ്.

കഴിഞ്ഞ വർഷം അവസാനം നടത്തിയ താരിഫ് വർദ്ധന എയര്‍ടെല്ലിന് വളരെ ഗുണകരമായി എന്നാണ് വിലയിരുത്തപ്പെടുന്നത്.  കമ്പനിയുടെ പ്രവർത്തനങ്ങളിൽ നിന്നുള്ള ഏകീകൃത വരുമാനം ജൂൺ 30ന് അവസാനിച്ച പാദത്തിൽ 32,805 കോടി രൂപയായി ഉയര്‍ന്നു. കഴിഞ്ഞ വർഷം ഇതേ കാലയളവിൽ ഇത് 26,854 കോടി ആയിരുന്നു എന്നാണ് എയര്‍ടെല്‍ റെഗുലേറ്റര്‍ ഫയലിംഗ് പറയുന്നത്.

ഒരു വർഷം മുമ്പുള്ളതിനേക്കാൾ എയര്‍ടെല്‍ ഉപയോക്താക്കളുടെ മൊബൈൽ ഡാറ്റ ഉപഭോഗം 16.6 ശതമാനം വർദ്ധിച്ചതായി റിപ്പോര്‍ട്ട് പറയുന്നു. ഒരു മൊബൈൽ ഡാറ്റ ഉപഭോക്താവിന്‍റെ ഉപഭോഗം പ്രതിമാസം 19.5 ജിബിയാണ്. നവംബറിൽ, താരിഫ് വർദ്ധന പ്രഖ്യാപിച്ചപ്പോൾ, മൊബൈൽ എആര്‍പിയു കുറഞ്ഞത് 200 രൂപയ്ക്കും 300 രൂപയ്ക്കും ഇടയില്‍ ആക്കണമെന്നായിരുന്നു എയര്‍ടെല്‍ ആവശ്യം.

അതേ സമയം എയര്‍ടെല്‍  ഏകീകൃത അറ്റാദായവും ഉയർന്നിട്ടുണ്ട് . ജൂൺ 30ന് അവസാനിച്ച പാദത്തിൽ 1,607 കോടി രൂപയാണ് ഏകീകൃത അറ്റാദായം. ഒരു വർഷം മുമ്പ് ഇത് 284 കോടി മാത്രമായിരുന്നു. അടുത്ത തലമുറ 5ജി സേവനങ്ങൾ രാജ്യത്ത് സമാരംഭിക്കാൻ തയ്യാറെടുക്കുമ്പോൾ ഹോം ബ്രോഡ്‌ബാൻഡ്, ഡാറ്റാ സെന്ററുകൾ, ക്ലൗഡ് അഡോപ്ഷൻ എന്നിവ വികസിപ്പിക്കുന്നത് ഉൾപ്പെടെയുള്ള കാര്യങ്ങള്‍ക്കുള്ള ധന സമാഹരണത്തിന് പുതിയ കണക്കുകള്‍ എയര്‍ടെല്ലിന് ഗുണമാകും.

രാജ്യത്തെ 19 ബില്യൺ ഡോളറിന്റെ (ഏകദേശം 1.5 ലക്ഷം കോടി രൂപ) ലേലത്തിൽ എയർടെൽ കഴിഞ്ഞയാഴ്ച 5.4 ബില്യൺ ഡോളറിന്റെ (ഏകദേശം 43,000 കോടി രൂപ) 5 ജി സ്‌പെക്‌ട്രം സ്വന്തമാക്കിയിരുന്നു. 

Click to comment

You must be logged in to post a comment Login

Leave a Reply

You May Also Like

WORLD

ആകാശ വിസ്മയക്കാഴ്ച കാണാൻ കാത്തിരിക്കുകയാണ് ലോകം. ഈ വര്‍ഷം ഏപ്രിലില്‍ സമ്പൂര്‍ണ്ണ സൂര്യഗ്രഹണം സംഭവിക്കുമെന്നാണ് റിപ്പോർട്ടുകൾ പറയുന്നത്. ഏപ്രില്‍ എട്ടിന് ഉച്ചയ്‌ക്ക് 2.12ന് ആരംഭിച്ച് 2.22ന് സമ്പൂര്‍ണ്ണ സൂര്യഗ്രഹണം അവസാനിക്കുമെന്നാണ് പ്രതീക്ഷിക്കുന്നത്. കാനഡ,...

CRIME

കൊച്ചി: ശാന്തീതീരം എന്ന സന്യാസാശ്രമം നടത്തുകയും ഒട്ടേറെ വിവാദങ്ങളിലും വഞ്ചനാക്കുറ്റങ്ങളിലും അറസ്റ്റിലായി ജയില്‍വാസം അനുഭവിക്കുകയും ചെയ്ത വിവാദനായകനായ സ്വയംപ്രഖ്യാപിത ആൾദൈവം സന്തോഷ് മാധവന്‍ അന്തരിച്ചു. ഹൃദയസംബന്ധമായ അസുഖത്തെ തുടർന്ന് കൊച്ചിയിലെ സ്വകാര്യ ആശുപത്രിയിലായിരുന്നു...

KERALA NEWS

ഗർഭിണിയായ യുവതിയെ തൂങ്ങി മരിച്ച നിലയിൽ കണ്ടെത്തി.തിരുവനന്തപുരം കല്ലമ്പലം ഒറ്റൂർ സ്വദേശിനി ലക്ഷ്മി (19) ആണ് മരിച്ചത്. ജനലിൽ തൂങ്ങി നിൽക്കുന്ന നിലയിലായിരുന്നു മൃതദേഹം കണ്ടെത്തിയത്.വർക്കല എസ് പി യുടെ നേതൃത്വത്തിൽ ഫോറൻസിക്...

NEWS

ലഖ്‌നൗ: വൈദ്യുത ലൈനില്‍ തട്ടിയതിനെ തുടര്‍ന്ന് ബസിന് തീ പിടിച്ച് പത്തുപേര്‍ മരിച്ചു. പതിനൊന്ന് കെവി വൈദ്യുതി കമ്പിയില്‍ തട്ടിയായിരുന്നു അപകടം. ഉത്തര്‍പ്രദേശിലെ ഗാസിപ്പൂരിലാണ് ദാരുണമായ സംഭവമുണ്ടായത്. വൈദ്യുതി ലൈനില്‍ തട്ടിയതിന് പിന്നാലെ...