Connect with us

Hi, what are you looking for?

KERALA NEWS

സംസ്ഥാനത്തെ 5 യൂണിവേഴ്സിറ്റി വിസിമാരുടെ നിയമനത്തിൽ ഗവർണറുടെ തീരുമാനം ഉടൻ

തിരുവനന്തപുരം: കെടിയു വിസിയെ പുറത്താക്കിയ സുപ്രീം കോടതി വിധിയുടെ പശ്ചാത്തലത്തിൽ യുജിസി മാനദണ്ഡങ്ങൾ ലംഘിച്ച് സംസ്ഥാനത്തെ അഞ്ച് വിസിമാരെ നിയമിച്ച വിഷയത്തിൽ ഗവർണർ ഉടൻ തീരുമാനമെടുക്കുമെന്ന് സൂചന. സർക്കാരിൽ നിന്നും വിസികളിൽ നിന്നും വിശദീകരണം തേടും.

കണ്ണൂർ, കേരള, എം.ജി, ഫിഷറീസ്, സംസ്കൃത സർവ്വകലാശാല എന്നിവിടങ്ങളിലെ വി.സിമാരെ ഗവർണർ പുറത്താക്കുമോ? ഒന്നിലധികം പേരുകളുള്ള പാനലില്ലാതെ ഒറ്റ പേരിൽ നിയമിതനായ കെ.ടി.യു വി.സിക്ക് സ്ഥാനം നഷ്ടമായെന്ന സുപ്രീം കോടതി വിധിക്ക് ശേഷമുള്ള പ്രധാന ചോദ്യമാണിത്. യു.ജി.സി മാനദണ്ഡങ്ങൾ ലംഘിച്ച് നിയമിതരായ അഞ്ച് വി.സിമാരെ അയോഗ്യരാക്കണമെന്നാവശ്യപ്പെട്ട് രാജ്ഭവനിൽ പരാതി ഉയർന്നിട്ടുണ്ട്. കെടിയു കേസിലെ സുപ്രീം കോടതി വിധി മുൻ നിയമനങ്ങളെയും ബാധിക്കുമോ? ഒരു വിധിയുടെ അടിസ്ഥാനത്തിൽ നേരത്തെ നിയമിച്ച വി.സിമാരെ ഗവർണർക്ക് മാറ്റാൻ കഴിയുമോ? സംശയങ്ങൾ പലതാണ്. 

കെടിയു കേസിലെ കോടതി വിധി നിയമന രീതി വ്യക്തമാക്കാനാണെന്നാണ് ഒരു അഭിപ്രായം. പാനൽ നിർബന്ധമാണെന്ന് കോടതി സാക്ഷ്യപ്പെടുത്തുമ്പോൾ നിയമനങ്ങൾ അസാധുവാകുന്നത് സ്വാഭാവികമാണെന്നാണ് വാദം. എന്നാൽ മുൻകാലങ്ങളിലെ ഓരോ നിയമനവും വെവ്വേറെ കേസുകളായി പരിഗണിക്കണമെന്ന അഭിപ്രായവുമുണ്ട്. ഒരിക്കൽ നിയമനത്തിന് അംഗീകാരം നൽകിയ ഗവർണർ വി.സിമാരെ എങ്ങനെ പിൻവലിക്കുമെന്ന ചോദ്യവുമുണ്ട്. വിധിയുടെ പകർപ്പ് സഹിതം കെ.ടി.യു നൽകിയ പരാതിയിൽ ഗവർണർ ഉടൻ സർക്കാരിനോട് വിശദീകരണം തേടിയേക്കും. വി.സി.മാരോട് വിശദീകരണം തേടാനും സാധ്യതയുണ്ട്. 

You May Also Like

WORLD

ആകാശ വിസ്മയക്കാഴ്ച കാണാൻ കാത്തിരിക്കുകയാണ് ലോകം. ഈ വര്‍ഷം ഏപ്രിലില്‍ സമ്പൂര്‍ണ്ണ സൂര്യഗ്രഹണം സംഭവിക്കുമെന്നാണ് റിപ്പോർട്ടുകൾ പറയുന്നത്. ഏപ്രില്‍ എട്ടിന് ഉച്ചയ്‌ക്ക് 2.12ന് ആരംഭിച്ച് 2.22ന് സമ്പൂര്‍ണ്ണ സൂര്യഗ്രഹണം അവസാനിക്കുമെന്നാണ് പ്രതീക്ഷിക്കുന്നത്. കാനഡ,...

CRIME

കൊച്ചി: ശാന്തീതീരം എന്ന സന്യാസാശ്രമം നടത്തുകയും ഒട്ടേറെ വിവാദങ്ങളിലും വഞ്ചനാക്കുറ്റങ്ങളിലും അറസ്റ്റിലായി ജയില്‍വാസം അനുഭവിക്കുകയും ചെയ്ത വിവാദനായകനായ സ്വയംപ്രഖ്യാപിത ആൾദൈവം സന്തോഷ് മാധവന്‍ അന്തരിച്ചു. ഹൃദയസംബന്ധമായ അസുഖത്തെ തുടർന്ന് കൊച്ചിയിലെ സ്വകാര്യ ആശുപത്രിയിലായിരുന്നു...

KERALA NEWS

ഗർഭിണിയായ യുവതിയെ തൂങ്ങി മരിച്ച നിലയിൽ കണ്ടെത്തി.തിരുവനന്തപുരം കല്ലമ്പലം ഒറ്റൂർ സ്വദേശിനി ലക്ഷ്മി (19) ആണ് മരിച്ചത്. ജനലിൽ തൂങ്ങി നിൽക്കുന്ന നിലയിലായിരുന്നു മൃതദേഹം കണ്ടെത്തിയത്.വർക്കല എസ് പി യുടെ നേതൃത്വത്തിൽ ഫോറൻസിക്...

KERALA NEWS

തൃശ്ശൂർ: കറുത്ത നിറമുള്ളവർ മോഹിനിയാട്ടം കളിക്കേണ്ടെന്ന അധിക്ഷേപ നിലപാട് ആവർത്തിച്ച് കലാമണ്ഡലം സത്യഭാമ. കലാഭവൻ മണിയുടെ സഹോദരൻ ആർഎൽവി രാമകൃഷ്ണനെ അധിക്ഷേപിക്കുന്ന നിലയിലുള്ള കലാമണ്ഡലം സത്യഭാമയുടെ പ്രസ്താവന വിവാദമായിരുന്നു. പല കോണിൽ നിന്നും...