ന്യൂഡല്ഹി: പ്രായപൂര്ത്തിയാകാത്ത ആദിവാസി പെണ്കുട്ടിയെ ക്രൂരമായി വെട്ടികൊലപ്പെടുത്തിയ പ്രതി അറസ്റ്റില്. ഝാര്ഖണ്ഡിലെ ഗുംല സ്വദേശിയായ ശാലു ടോപ്നോയാണ് അറസ്റ്റിലായത്. കൊലപാതകം നടന്ന് നാല് വര്ഷത്തിന് ശേഷമാണ് അറസ്റ്റ് രേഖപ്പെടുത്തിയത്.
12 വയസുകാരിയെ കൊലപ്പെടുത്തി മൃതദേഹം ആറ് കഷ്ണങ്ങളാക്കി ബാഗില് നിറച്ച നിലയിലായിരുന്നു. തുടര്ന്ന് അഴുക്കുചാലില് സംസ്കരിക്കുകയായിരുന്നു. ബാലവേല ചെയ്തിരുന്ന കുട്ടി, അവളുടെ കൂലി ചോദിച്ചെന്നാരോപിച്ചാണ് 26-കാരനായ ടോപ്നോ കൊലപാതകം നടത്തിയത്.
പൊലീസ് ദീര്ഘ നാളായി ഇയാള്ക്കായി അന്വേഷണം നടത്തി വരികയായിരുന്നു. കേസില് കുറ്റവാളിയായി പ്രഖ്യാപിക്കുകയും ഇയാളെ കണ്ടെത്താന് വിവരങ്ങള് നല്കുന്നവര്ക്ക് 50,000 രൂപയും പ്രഖ്യാപിച്ചിരുന്നു. കഴിഞ്ഞ നാല് മാസമായി രഹസ്യമായി നടത്തിയ നിരീക്ഷണത്തിനൊടുവിലാണ് ഇയാളെ കസ്റ്റഡിയിലെടുക്കാന് കഴിഞ്ഞതെന്ന് പോലീസ് അറിയിച്ചു.