പട്‌ന:രാജ്യത്ത് വായുമലിനീകരണം ഏറ്റവും കൂടുതല്‍ അനുഭവപ്പെടുന്നത് ബിഹാറിലെന്ന് റിപ്പോര്‍ട്ട്. സംസ്ഥാനത്തെ മോതിഹാരി, സിവാന്‍, ദര്‍ഭംഗ തുടങ്ങിയ നഗരങ്ങളില്‍ വായുഗുണനിലവാര സൂചിക ഗുരുതര വിഭാഗത്തിലായിരുന്നു. ഇവിടങ്ങളില്‍ വായുഗുണനിലവാര സൂചിക (എ.ക്യു.ഐ) യഥാക്രമം 419, 417, 404 എന്നിങ്ങനെ ആയിരുന്നു.
വായുഗുണനിലവാര സൂചിക 400 കടക്കുന്നത് വളരെ ഗുരുതരമെന്നാണ് കണക്കാകപ്പെടുന്നത്. കേന്ദ്ര മലിനീകരണ നിയന്ത്രണ ബോര്‍ഡാണ് കണക്കുകള്‍ പുറത്തു വിട്ടത്. തുടര്‍ച്ചയായ രണ്ടാം ദിവസമാണ് വായുഗുണനിലവാരം മോശം നിലവാരത്തില്‍ തുടര്‍ന്നത്.
സംസ്ഥാനത്തെ മറ്റ് പതിനൊന്ന് ഇടങ്ങളില്‍ വായുഗുണനിലവാര സൂചിക വളരെ മോശം (very poor) വിഭാഗത്തിലുമാണ്. ഭൂമിശാസ്ത്രപരമായ പ്രത്യേകതകളും ശീതക്കാല കാലാവസ്ഥയുമാണ് വായുഗുണനിലവാരം മോശം നിലവാരത്തില്‍ തുടരുന്നതിന് പിന്നിലെ കാരണമെന്നാണ്‌ കണക്കാക്കപ്പെടുന്നത്.
