Connect with us

Hi, what are you looking for?

KERALA NEWS

റഷ്യന്‍ ശാസ്ത്രജ്ഞര്‍ വളയമിട്ട് പറത്തിയ ദേശാടനപക്ഷിയെ കണ്ടെത്തി; ഇന്ത്യയിൽ രണ്ടാമത്തേത്‌

ചാവക്കാട്: റഷ്യൻ ശാസ്ത്രജ്ഞർ നിരീക്ഷണത്തിനായി കാലിൽ വളയമിട്ട് പറത്തി വിട്ട ഗ്രേറ്റ് നോട്ട് എന്നറിയപ്പെടുന്ന ശൈത്യകാല ദേശാടന പക്ഷിയെ ചാവക്കാട് തീരത്ത് കണ്ടെത്തി. റഷ്യയിലെ കാംചത്ക പെനിൻസുലയുടെ പടിഞ്ഞാറേതീരത്തെ ഖൈറുസോവ- ബെലോഗൊയോവായ നദികളുടെ അഴിമുഖത്ത് നിന്ന് കഴിഞ്ഞ വർഷം ഓഗസ്റ്റ് 12ന് പറത്തി വിട്ട പക്ഷിയാണ് ഇതെന്ന് പക്ഷിനിരീക്ഷകർ നടത്തിയ അന്വേഷണത്തിൽ കണ്ടെത്തി. ഈ പക്ഷി 9,000 കിലോമീറ്റർ പറന്നതായി കരുതപ്പെടുന്നു.

പി.പി. ശ്രീനിവാസൻ, ഡോ. കലേഷ് സദാശിവൻ, പി.ബി. സാംകുമാർ എന്നിവരാണ് പക്ഷിയെ കണ്ടെത്തിയത്. 150 ലധികം ദേശാടനപക്ഷികൾക്കിടയിൽ നിന്നാണ് കാലിൽ ഒരു വളയം ഘടിപ്പിച്ച ഈ പക്ഷിയെ കണ്ടെത്തിയത്. പക്ഷിയെ സൂക്ഷ്മമായി നിരീക്ഷിച്ചതിലൂടെ കാലിലെ വളയത്തിൽ എഴുതിയ ലിഖിതം വായിച്ചെടുക്കാൻ കഴിഞ്ഞു എന്നും തുടർന്ന് റഷ്യൻ ബന്ധം മനസ്സിലാക്കാൻ കഴിഞ്ഞു എന്നും ഇവർ അറിയിച്ചു.

കാംചത്ക പെനിൻസുലയിലെ ഡിമിത്രി ഡൊനേഫീവിനെ ഇതേക്കുറിച്ച് വിവരമറിയിച്ചു. അദ്ദേഹം പക്ഷിയെക്കുറിച്ചുള്ള സ്ഥിരീകരണം നടത്തി കൂടുതൽ വിവരങ്ങൾ നൽകിയെന്ന് ട്രാവൻകൂർ നേച്വർ ഹിസ്റ്ററി സൊസൈറ്റിയുടെ റിസർച്ച് അസോസിയേറ്റ് കൂടിയായ ഡോ. കലേഷ് സദാശിവൻ പറഞ്ഞു. ഏകദേശം 1000 പക്ഷികളിൽ റഷ്യൻ ശാസ്ത്രജ്ഞർ വളയം ധരിപ്പിച്ചിരുന്നെങ്കിലും ഇന്ത്യയിൽ ഇതുവരെ രണ്ടെണ്ണത്തെയാണ് കണ്ടെത്തിയിട്ടുള്ളത്. ഇതിന് മുമ്പ് ഗുജറാത്തിലെ ജാംനഗറിലാണ് ഒരെണ്ണത്തെ കണ്ടത്.

You May Also Like

WORLD

ആകാശ വിസ്മയക്കാഴ്ച കാണാൻ കാത്തിരിക്കുകയാണ് ലോകം. ഈ വര്‍ഷം ഏപ്രിലില്‍ സമ്പൂര്‍ണ്ണ സൂര്യഗ്രഹണം സംഭവിക്കുമെന്നാണ് റിപ്പോർട്ടുകൾ പറയുന്നത്. ഏപ്രില്‍ എട്ടിന് ഉച്ചയ്‌ക്ക് 2.12ന് ആരംഭിച്ച് 2.22ന് സമ്പൂര്‍ണ്ണ സൂര്യഗ്രഹണം അവസാനിക്കുമെന്നാണ് പ്രതീക്ഷിക്കുന്നത്. കാനഡ,...

CRIME

കൊച്ചി: ശാന്തീതീരം എന്ന സന്യാസാശ്രമം നടത്തുകയും ഒട്ടേറെ വിവാദങ്ങളിലും വഞ്ചനാക്കുറ്റങ്ങളിലും അറസ്റ്റിലായി ജയില്‍വാസം അനുഭവിക്കുകയും ചെയ്ത വിവാദനായകനായ സ്വയംപ്രഖ്യാപിത ആൾദൈവം സന്തോഷ് മാധവന്‍ അന്തരിച്ചു. ഹൃദയസംബന്ധമായ അസുഖത്തെ തുടർന്ന് കൊച്ചിയിലെ സ്വകാര്യ ആശുപത്രിയിലായിരുന്നു...

KERALA NEWS

ഗർഭിണിയായ യുവതിയെ തൂങ്ങി മരിച്ച നിലയിൽ കണ്ടെത്തി.തിരുവനന്തപുരം കല്ലമ്പലം ഒറ്റൂർ സ്വദേശിനി ലക്ഷ്മി (19) ആണ് മരിച്ചത്. ജനലിൽ തൂങ്ങി നിൽക്കുന്ന നിലയിലായിരുന്നു മൃതദേഹം കണ്ടെത്തിയത്.വർക്കല എസ് പി യുടെ നേതൃത്വത്തിൽ ഫോറൻസിക്...

KERALA NEWS

തൃശ്ശൂർ: കറുത്ത നിറമുള്ളവർ മോഹിനിയാട്ടം കളിക്കേണ്ടെന്ന അധിക്ഷേപ നിലപാട് ആവർത്തിച്ച് കലാമണ്ഡലം സത്യഭാമ. കലാഭവൻ മണിയുടെ സഹോദരൻ ആർഎൽവി രാമകൃഷ്ണനെ അധിക്ഷേപിക്കുന്ന നിലയിലുള്ള കലാമണ്ഡലം സത്യഭാമയുടെ പ്രസ്താവന വിവാദമായിരുന്നു. പല കോണിൽ നിന്നും...