Tuesday, January 31, 2023

ബൈലോ ഭേദഗതി ചെയ്ത ഹൈക്കോടതി ഉത്തരവ്; നിലപാടറിയിച്ച് വെള്ളാപ്പിള്ളി നടേശൻ

ആലപ്പുഴ: എസ്.എൻ. ട്രസ്റ്റ് ബൈലോ ഭേദഗതി ചെയ്യാനുള്ള ഹൈക്കോടതി ഉത്തരവ് എല്ലാവർക്കും ബാധകമാണെന്ന് എസ്.എൻ.ഡി.പി. ജനറൽ സെക്രട്ടറി വെള്ളാപ്പള്ളി നടേശൻ. കുറ്റപത്രം സമർപ്പിക്കുകയോ കുറ്റക്കാരനാണെന്ന് കണ്ടെത്തുകയോ ശിക്ഷിക്കപ്പെടുകയോ ചെയ്താൽ മാത്രമേ ഒരാൾ ഭാരവാഹിത്വത്തിൽ നിന്നും മാറിനിൽക്കേണ്ടതുള്ളൂ. അതിനാൽ, താൻ മാറേണ്ട ആവശ്യമിലെന്നും അദ്ദേഹം പറഞ്ഞു.

ട്രസ്റ്റികളായി ഇരിക്കുന്ന എല്ലാവരെയും ബാധിക്കുന്ന വിധിയാണിത്. ഹൈക്കോടതി ഉത്തരവുണ്ടെങ്കിലും ജില്ലാ കോടതിയിൽ പോയി വിധി സംബാധിച്ചാൽ മാത്രമേ മാറിനിൽക്കേണ്ടതുള്ളൂ. എന്നെ പ്രതിയായി ഇവിടെ വിചാരണയില്ല. വർഷങ്ങൾക്കു മുൻപ് എസ്.എൻ. ട്രസ്റ്റിന്റെ ഒരു കേസ് ഉണ്ടായിട്ടുണ്ട്. സാമ്പത്തിക ആരോപണങ്ങളുടെ ഒരു കേസ് ഉണ്ട്, അത് ഉദ്യോഗസ്ഥർ അന്വേഷിക്കുകയും എഴുതിത്തള്ളുകയും ചെയ്തിട്ടുണ്ട്. തന്നെ സാമ്പത്തിക കേസിൽ പെടുത്തുകയല്ലാതെ ജനകീയകോടതിയില്‍ വന്ന് ഇവര്‍ക്ക് ആര്‍ക്കും ഒരു ചുക്കും എസ്.എന്‍.ഡി.പി. യോഗത്തിലോ എസ്.എന്‍. ട്രസ്റ്റിലോ ചെയ്യാന്‍ സാധിക്കില്ലെന്നും വെള്ളാപ്പള്ളി നടേശൻ പറഞ്ഞു.

തന്നെ ക്രിമിനൽ കേസിൽ ശിക്ഷിക്കാൻ ശ്രമിക്കുന്നു. ഇന്നോ ഇന്നലെയോ തുടങ്ങിയതല്ല. 14 വർഷം മുമ്പ് തൊട്ടുള്ള കാര്യമാണിത്. ഇന്ത്യയുടെ പ്രധാനമന്ത്രി പോലും എത്ര കേസുകളിൽ പ്രതിയായിക്കാണും. ശിക്ഷിക്കപ്പെട്ടവർ പോലും ഭരിക്കുന്ന കാലമാണിത്. താൻ കുറ്റക്കാരനാണെന്ന് കണ്ടെത്തിയിട്ടില്ല,ശിക്ഷിച്ചിട്ടില്ല, ചാര്‍ജും കൊടുത്തിട്ടില്ല. തെറ്റായ ധാരണകളും പ്രചാരണങ്ങളുമാണ് നടക്കുന്നതെന്നും നടേശൻ വ്യക്തമാക്കി.

Related Articles

- Advertisement -

Latest Articles

- Advertisement -

Latest Articles