Thursday, February 9, 2023

ബിബിസി ഡോക്യുമെന്ററിക്കെതിരെ രൂക്ഷ വിമർശനവുമായി ഗവർണർ ആരിഫ് മുഹമ്മദ് ഖാൻ

തിരുവനന്തപുരം: 2022ലെ ഗുജറാത്ത് കലാപത്തിൽ പ്രധാനമന്ത്രി നരേന്ദ്ര മോദിക്ക് പങ്കുണ്ടെന്ന് ആരോപിക്കുന്ന ബിബിസി ഡോക്യുമെന്‍ററിക്കെതിരെ രൂക്ഷ വിമർശനവുമായി ഗവർണർ ആരിഫ് മുഹമ്മദ് ഖാൻ. ഇന്ത്യ ജി 20 അധ്യക്ഷ സ്ഥാനം ഏറ്റെടുത്ത സമയത്താണ് ഡോക്യുമെന്‍ററിയുമായി ബിബിസി വന്നതെന്ന് ഗവർണർ ചൂണ്ടിക്കാട്ടി.

ഗുജറാത്ത് കലാപവുമായി ബന്ധപ്പെട്ട് സുപ്രീം കോടതി നേരത്തെ വിധി പ്രസ്താവിച്ചിട്ടുണ്ട്. ചിലർ ബിബിസി ഡോക്യുമെന്‍ററിക്ക് അതിനേക്കാൾ പ്രാധാന്യം നൽകുന്നുവെന്നും അദ്ദേഹം പറഞ്ഞു.

“ജനാധിപത്യം സംരക്ഷിക്കാൻ കഴിയാതെ ഇന്ത്യ പല കഷണങ്ങളായി വിഭജിക്കപ്പെടുമെന്ന് മുൻകാലങ്ങളിൽ പ്രവചിച്ചിരുന്നവരാണ് ഇപ്പോൾ ഇന്ത്യയിൽ ജനാധിപത്യമില്ലെന്നും ഇന്ത്യ ഒന്നല്ലെന്നും പറയുന്നത്. ഇന്ത്യ കുതിക്കുമ്പോൾ അവർക്ക് നിരാശയുണ്ടാകും. നമ്മുടെ രാജ്യത്തെ ചില ആളുകളുടെ കാഴ്ചപ്പാടുകളെക്കുറിച്ച് ചിന്തിക്കുമ്പോൾ അതിശയമാണ് തോന്നുന്നത്. വിദേശ മാധ്യമങ്ങളുടെ അഭിപ്രായത്തിനാണ് അവർ പ്രാധാന്യം നൽകുന്നത്. ഒരിക്കൽ ബ്രിട്ടൻ നമ്മെ ഭരിച്ചിരുന്നുവെന്ന് ഓർക്കണം,” അദ്ദേഹം കൂട്ടിച്ചേർത്തു.

Related Articles

- Advertisement -

Latest Articles

- Advertisement -

Latest Articles