തിരുവനന്തപുരം: ചാനൽ ചർച്ചയ്ക്കിടെ ഏഷ്യാനെറ്റ് ന്യൂസ് അസോസിയേറ്റ് എഡിറ്റർ വിനു വി ജോൺ ഉന്നയിച്ച ചോദ്യത്തിനെ അക്രമാഹ്വാനമായി ചിത്രീകരിച്ച കേരള പോലീസിന്റെ നടപടി പ്രതിഷേധാർഹമാണെന്ന് നെറ്റ്വർക്ക് ഓഫ് വിമൻ ഇൻ മീഡിയ ഇന്ത്യ. ഒരു മാധ്യമപ്രവർത്തകനെതിരെ അഭിപ്രായം വ്യക്തമാക്കിയതിന്റെ പേരിൽ കേസെടുക്കുന്നത് ഭീഷണിക്ക് തുല്യമാണ്.
സ്വതന്ത്ര മാധ്യമപ്രവർത്തനത്തിനായുള്ള അന്തരീക്ഷം സൃഷ്ടിക്കുക എന്ന കേരള സർക്കാരിൻ്റെ പ്രഖ്യാപിത നയത്തിന് വിരുദ്ധമാണ് പോലീസ് നടപടി. ഇത്തരം പോലീസ് നീക്കങ്ങൾ അടിയന്തരമായി അവസാനിപ്പിക്കണമെന്നും നെറ്റ്വർക്ക് ഓഫ് വിമൻ ഇൻ മീഡിയ ആവശ്യപ്പെട്ടു.