ചെർപ്പുളശ്ശേരി(പാലക്കാട്): തൃശ്ശൂർ പൂരം ഉൾപ്പെടെ കേരളത്തിലെയും അയൽ സംസ്ഥാനങ്ങളിലെയും ഉത്സവങ്ങളിലെ സാന്നിധ്യം ചെർപ്പുളശ്ശേരി അയ്യപ്പൻ ചരിഞ്ഞു. ചെർപ്പുളശ്ശേരി രാജപ്രഭവീട്ടിൽ പ്രഭാവതിയുടെ ഉടമസ്ഥതയിലുള്ളതാണ് 54 വയസുള്ള ആന. കൊല്ലം ഷാജി ബീഹാറിൽ നിന്ന് കേരളത്തിലെത്തിച്ച ആനയെ 14 വർഷം മുമ്പാണ് ചെർപ്പുളശ്ശേരിയിലെ ഉടമ വാങ്ങിയത്.
രണ്ടാഴ്ച മുമ്പ് എറണാകുളം ശിവക്ഷേത്രത്തിലെ ഉത്സവത്തിനാണ് അവസാനമായി എഴുന്നള്ളിച്ചത്.
ക്ഷീണത്തെ തുടർന്ന് ഏതാനും ദിവസങ്ങളായി ചികിത്സയിലായിരുന്നു.
വെള്ളിയാഴ്ച ഉച്ചയോടെ കൂടുതൽ ക്ഷീണിതനായ അയ്യപ്പനെ തൃശൂരിൽ നിന്നെത്തിയ ഡോക്ടർമാരാണ് ചികിത്സിച്ചത്. തുടർന്ന് രാത്രി 8.30ന് ചരിഞ്ഞു. വാളയാർ വനത്തിലാണ് ആനയെ അടക്കം ചെയ്യുക.