Connect with us

Hi, what are you looking for?

KERALA NEWS

താലൂക്ക്, ജില്ലാ, ജനറല്‍ ആശുപത്രികളില്‍ പിജി ഡോക്ടർമാരുടെ സേവനം; മാർച്ച് 1 മുതലെന്ന് ആരോഗ്യ മന്ത്രി

തിരുവനന്തപുരം: മാർച്ച് 1 മുതൽ സംസ്ഥാനത്തെ സർക്കാർ, സ്വകാര്യ മേഖലകളിലെ പി.ജി ഡോക്ടർമാരുടെ സേവനം ഗ്രാമപ്രദേശങ്ങളിലേക്കും വ്യാപിപ്പിക്കുമെന്ന് ആരോഗ്യമന്ത്രി വീണാ ജോർജ്. താലൂക്ക്, ജില്ലാ, ജനറൽ ആശുപത്രികളിലാണ് മെഡിക്കൽ കോളേജുകളിലെ രണ്ടാം വർഷ പി.ജി ഡോക്ടർമാരെ നിയമിക്കുന്നത്. ദേശീയ മെഡിക്കൽ കമ്മീഷന്‍റെ നിബന്ധനകൾക്കനുസൃതമായി പി.ജി വിദ്യാർത്ഥികൾക്ക് പരിശീലനം നൽകുന്നതിന്‍റെ ഭാഗമായുള്ള ജില്ലാ റെസിഡൻസി പ്രോഗ്രാം അനുസരിച്ചാണ് ഇവരെ നിയമിക്കുന്നത്.

മെഡിക്കൽ കോളേജുകളെ മികവിന്‍റെ കേന്ദ്രങ്ങളാക്കാനും മെച്ചപ്പെട്ട ചികിത്സ ഉറപ്പാക്കാനും റഫറൽ, ബാക്ക് റഫറൽ സംവിധാനങ്ങൾ നടപ്പാക്കാനുള്ള നടപടികൾ സ്വീകരിച്ച് വരികയാണെന്നും മന്ത്രി പറഞ്ഞു. ജില്ലാ റസിഡൻസി പദ്ധതി ഫലപ്രദമായി നടപ്പാക്കുന്നതിനായി ഡിസംബർ രണ്ടിന് മന്ത്രി വീണാ ജോർജിന്‍റെ നേതൃത്വത്തിൽ ഉന്നതതല യോഗം ചേർന്നിരുന്നു. മെഡിക്കൽ വിദ്യാഭ്യാസ വകുപ്പ് ഡയറക്ടറെ സംസ്ഥാനതല നോഡൽ ഓഫീസറായും ആരോഗ്യവകുപ്പ് ഡയറക്ടറെ പ്രോഗ്രാം കോർഡിനേറ്ററായും ചുമതലപ്പെടുത്തി. പദ്ധതിയുടെ സുഗമമായ നടത്തിപ്പിനും ഏകോപനത്തിനുമായി ഡിഎംഇ കോ-ഓർഡിനേറ്ററായി ഡോ.സി.രവീന്ദ്രനെ നിയമിച്ചു. ജില്ലാ റെസിഡൻസി പ്രോഗ്രാമിന്‍റെ ഭാഗമായി സ്റ്റിയറിംഗ് കമ്മിറ്റിയും ജില്ലാതല സമിതിയും രൂപീകരിച്ചിട്ടുണ്ട്. ജില്ലാ റസിഡൻസി പ്രോഗ്രാം നടപ്പാക്കുന്നതിനുള്ള മാർഗനിർദേശങ്ങൾ മെഡിക്കൽ വിദ്യാഭ്യാസ വകുപ്പ് പുറത്തിറക്കി.

സർക്കാർ മെഡിക്കൽ കോളേജുകളിലെ 854 പേരെയും സ്വകാര്യ മെഡിക്കൽ കോളേജുകളിലെ 430 പേരെയും എറണാകുളം അമൃത ഇൻസ്റ്റിറ്റ്യൂട്ടിൽ നിന്ന് 98 പേരെയും ഉൾപ്പെടെ വിവിധ ആശുപത്രികളിലായി 1,382 പിജി ഡോക്ടർമാരെയാണ് നിയമിക്കുന്നത്. 9 സർക്കാർ മെഡിക്കൽ കോളേജുകൾ, ആർസിസി, 19 സ്വകാര്യ മെഡിക്കൽ കോളേജുകൾ എന്നിവിടങ്ങളിൽ നിന്നുള്ള പിജി ഡോക്ടർമാരും ഇതിൽ ഉൾപ്പെടുന്നു. 3 മാസം വീതമുള്ള നാല് ഗ്രൂപ്പുകളായാണ് ഇവരുടെ സേവനം ലഭ്യമാകുന്നത്. അതത് ജില്ലകളിലെ മെഡിക്കൽ കോളേജുകളിൽ നിന്നുള്ള പി.ജി ഡോക്ടർമാരെയാണ് പരമാവധി നിയമിക്കുന്നത്. മെഡിക്കൽ കോളേജുകൾ ഇല്ലാത്ത ജില്ലകളിൽ മറ്റ് ജില്ലകളിൽ നിന്ന് വിന്യസിക്കും.

You May Also Like

WORLD

ആകാശ വിസ്മയക്കാഴ്ച കാണാൻ കാത്തിരിക്കുകയാണ് ലോകം. ഈ വര്‍ഷം ഏപ്രിലില്‍ സമ്പൂര്‍ണ്ണ സൂര്യഗ്രഹണം സംഭവിക്കുമെന്നാണ് റിപ്പോർട്ടുകൾ പറയുന്നത്. ഏപ്രില്‍ എട്ടിന് ഉച്ചയ്‌ക്ക് 2.12ന് ആരംഭിച്ച് 2.22ന് സമ്പൂര്‍ണ്ണ സൂര്യഗ്രഹണം അവസാനിക്കുമെന്നാണ് പ്രതീക്ഷിക്കുന്നത്. കാനഡ,...

CRIME

കൊച്ചി: ശാന്തീതീരം എന്ന സന്യാസാശ്രമം നടത്തുകയും ഒട്ടേറെ വിവാദങ്ങളിലും വഞ്ചനാക്കുറ്റങ്ങളിലും അറസ്റ്റിലായി ജയില്‍വാസം അനുഭവിക്കുകയും ചെയ്ത വിവാദനായകനായ സ്വയംപ്രഖ്യാപിത ആൾദൈവം സന്തോഷ് മാധവന്‍ അന്തരിച്ചു. ഹൃദയസംബന്ധമായ അസുഖത്തെ തുടർന്ന് കൊച്ചിയിലെ സ്വകാര്യ ആശുപത്രിയിലായിരുന്നു...

KERALA NEWS

ഗർഭിണിയായ യുവതിയെ തൂങ്ങി മരിച്ച നിലയിൽ കണ്ടെത്തി.തിരുവനന്തപുരം കല്ലമ്പലം ഒറ്റൂർ സ്വദേശിനി ലക്ഷ്മി (19) ആണ് മരിച്ചത്. ജനലിൽ തൂങ്ങി നിൽക്കുന്ന നിലയിലായിരുന്നു മൃതദേഹം കണ്ടെത്തിയത്.വർക്കല എസ് പി യുടെ നേതൃത്വത്തിൽ ഫോറൻസിക്...

KERALA NEWS

തൃശ്ശൂർ: കറുത്ത നിറമുള്ളവർ മോഹിനിയാട്ടം കളിക്കേണ്ടെന്ന അധിക്ഷേപ നിലപാട് ആവർത്തിച്ച് കലാമണ്ഡലം സത്യഭാമ. കലാഭവൻ മണിയുടെ സഹോദരൻ ആർഎൽവി രാമകൃഷ്ണനെ അധിക്ഷേപിക്കുന്ന നിലയിലുള്ള കലാമണ്ഡലം സത്യഭാമയുടെ പ്രസ്താവന വിവാദമായിരുന്നു. പല കോണിൽ നിന്നും...