മലയാളത്തിന്റെ പ്രിയ സംഗീതസംവിധായകന്‍ രവീന്ദ്രന്‍ മാസ്റ്റര്‍ ഓര്‍മയായിട്ട് 18 വര്‍ഷം.മലയാളിക്ക് ഒരിക്കലും മറക്കാനാകാത്ത ഈണങ്ങളും അതിമനോഹരമായ പാട്ടുകളും സമ്മാനിച്ചാണ് രവീന്ദ്രന്‍ മാസ്റ്റര്‍ നമ്മെ വിട്ടുപിരിഞ്ഞത്. .അമരം, ഭരതം, ഹിസ്‌ഹൈനസ് അബ്ദുള്ള, തുടങ്ങി നിരവധി ചിത്രങ്ങളിലൂടെ ഒരുപിടി സുന്ദരമായ ഗാനങ്ങൾ അദ്ദേഹം നമുക്കായി ഒരുക്കി.
കാലം ഇത്രയും കഴിഞ്ഞിട്ടും രവീന്ദ്രന്‍ മാസ്റ്റര്‍ ഈണമിട്ട പാട്ടുകളെല്ലാം ഒന്നിനൊന്ന് മികച്ചവയാണ് ഇന്നും. ശാസ്ത്രീയ സംഗീതത്തിന്റെ അനന്തസാധ്യതകളിലൂടെ സഞ്ചരിച്ച ഭരതത്തിലെ പാട്ടുകള്‍ക്ക് സംസ്ഥാന പുരസ്‌കാരവും ദേശീയ അവാര്‍ഡും ലഭിച്ചു. പ്രകൃതിയുടെ സംഗീതത്തില്‍ ലയിക്കുംപോലെ വിസ്മയിപ്പിക്കുന്ന ഈണങ്ങളായിരുന്നു മാസ്റ്റര്‍ ഒരുക്കിയിരുന്നത്. സംഗീതത്തിന്റ വസന്തകാലം നമുക്ക് സമ്മാനിച്ചാണ് രവീന്ദ്രന്‍ മാസ്റ്റര്‍ കടന്നുപോയത്. തലമുറകളോളം പാടിനടക്കാന്‍ ഹൃദയത്തില്‍ സൂക്ഷിക്കാന്‍ മധുരമനോഹമായ ഗാനങ്ങളും.ഇരുന്നൂറിലേറെ ചിത്രങ്ങളിലെ പാട്ടുകള്‍ക്ക് രവീന്ദ്രന്‍ മാസ്റ്റര്‍ ഈണമിട്ടു.
