Connect with us

Hi, what are you looking for?

AGRICULTURE

പോഷക സമ്പന്നം സാമ്പാർ ചീര; കൃഷി രീതി പഠിക്കാം

ഇലയും തണ്ടുമെല്ലാം ഭക്ഷ്യയോഗ്യം. രുചികരവും പോഷക സമ്പന്നവും. സാമ്പാർ ചീര ഇലക്കറി ചെടികളിൽ മുൻനിരയിലുണ്ട്‌. ബ്രസീലാണ് സ്വദേശം. വാട്ടർ ലീഫ് എന്നത്‌ ഇംഗ്ലീഷ്‌ പേര്‌. തലിനം ട്രയാൻഗുലേർഎന്ന് ശാസ്ത്രനാമം. ഭാഗിക തണലിൽ പോലും നല്ലവണ്ണം വളരും. സാമ്പാറിൽ വെണ്ടക്കയ്‌ക്ക് പകരമായി ഇതുപയോഗിച്ചാൽ വെണ്ടയ്‌ക്കയുടെ അതേ രുചിയും കൊഴുപ്പും കിട്ടും. അതിനാലാണ് ഇതിന് സാമ്പാർ ചീരയെന്ന പേര് വന്നത്. പരിപ്പിനോടൊപ്പം ചേർത്ത് കറിയാക്കുന്നതിനാലാവാം പരിപ്പ് ചീരയെന്ന വിളിപ്പേരുമുണ്ട്. സിലോൺ ചീരയെന്നും കൊളുമ്പി ചീരയെന്നും പേരുകളനവധി.

ഇന്ത്യക്ക് പുറമെ മലേഷ്യ, ഇന്തോനേഷ്യ, വെസ്റ്റിൻഡീസ്, അമേരിക്ക, അറേബ്യൻ രാജ്യങ്ങൾ എന്നിവിടങ്ങളിലും കൃഷി ചെയ്തുവരുന്നു.
വിത്തോ, ചെടിയുടെ ഇളം തണ്ടോ ഉപയോഗിച്ച് ഇത് കൃഷി ചെയ്യാം. വിത്ത് പാകി പത്തു സെന്റി മീറ്ററോളം വളർന്നാൽ പറിച്ചുനടാം. പ്രത്യേക വളങ്ങളൊന്നും നൽകാതെ തന്നെ തഴച്ച് വളരും.

ചാണകം, കമ്പോസ്റ്റ് തുടങ്ങി പാകം വന്ന ഏതുതരം ജൈവ വളങ്ങളും നൽകാം. കടലപ്പിണ്ണാക്ക് പുളിപ്പിച്ച് നൽകുന്നതു വളർച്ച ത്വരിതപ്പെടുത്തും.
നട്ട് ഒന്നര മാസമാകുമ്പോൾ വിളവെടുപ്പ് തുടങ്ങാം. 15––20 സെന്റിമീറ്റർ നീളത്തിൽ ഇളം തണ്ടുകൾ ഇലയടക്കം നുള്ളിയെടുത്ത് കറിക്കുപയോഗിക്കാം. ഇളം ശിഖരങ്ങൾ ഇടയ്‌ക്കിടെ നുള്ളിയെടുക്കുന്നത് ധാരാളം ശിഖരം ഉണ്ടാകാൻ സഹായിക്കും.

മറ്റു ഇലക്കറികൾ പോലെ തോരൻ അഥവാ വറവായും ഉപയോഗിക്കാം. ഇലകളിൽ നാരിന്റെ അംശം നല്ല രീതിയിലുണ്ട്. ഇത് ദഹനശക്തിക്കുതകും.
ഇലകളുടെ കോശങ്ങളിൽ ഇരുമ്പ്, കാത്സ്യം ,പ്രോട്ടീൻ, ഫോസ്ഫറസ്, വിറ്റാമിൻ എ എന്നീ പോഷകങ്ങളുമുണ്ട്. രോഗപ്രതിരോധ ശേഷിക്കിത് ഉത്തമം. പച്ചപ്പോടെ വളരുന്ന ചെടിക്ക് പിങ്ക് നിറത്തിൽ ചെറിയ പൂക്കളുണ്ടാകും.

You May Also Like

WORLD

ആകാശ വിസ്മയക്കാഴ്ച കാണാൻ കാത്തിരിക്കുകയാണ് ലോകം. ഈ വര്‍ഷം ഏപ്രിലില്‍ സമ്പൂര്‍ണ്ണ സൂര്യഗ്രഹണം സംഭവിക്കുമെന്നാണ് റിപ്പോർട്ടുകൾ പറയുന്നത്. ഏപ്രില്‍ എട്ടിന് ഉച്ചയ്‌ക്ക് 2.12ന് ആരംഭിച്ച് 2.22ന് സമ്പൂര്‍ണ്ണ സൂര്യഗ്രഹണം അവസാനിക്കുമെന്നാണ് പ്രതീക്ഷിക്കുന്നത്. കാനഡ,...

CRIME

കൊച്ചി: ശാന്തീതീരം എന്ന സന്യാസാശ്രമം നടത്തുകയും ഒട്ടേറെ വിവാദങ്ങളിലും വഞ്ചനാക്കുറ്റങ്ങളിലും അറസ്റ്റിലായി ജയില്‍വാസം അനുഭവിക്കുകയും ചെയ്ത വിവാദനായകനായ സ്വയംപ്രഖ്യാപിത ആൾദൈവം സന്തോഷ് മാധവന്‍ അന്തരിച്ചു. ഹൃദയസംബന്ധമായ അസുഖത്തെ തുടർന്ന് കൊച്ചിയിലെ സ്വകാര്യ ആശുപത്രിയിലായിരുന്നു...

KERALA NEWS

ഗർഭിണിയായ യുവതിയെ തൂങ്ങി മരിച്ച നിലയിൽ കണ്ടെത്തി.തിരുവനന്തപുരം കല്ലമ്പലം ഒറ്റൂർ സ്വദേശിനി ലക്ഷ്മി (19) ആണ് മരിച്ചത്. ജനലിൽ തൂങ്ങി നിൽക്കുന്ന നിലയിലായിരുന്നു മൃതദേഹം കണ്ടെത്തിയത്.വർക്കല എസ് പി യുടെ നേതൃത്വത്തിൽ ഫോറൻസിക്...

KERALA NEWS

തൃശ്ശൂർ: കറുത്ത നിറമുള്ളവർ മോഹിനിയാട്ടം കളിക്കേണ്ടെന്ന അധിക്ഷേപ നിലപാട് ആവർത്തിച്ച് കലാമണ്ഡലം സത്യഭാമ. കലാഭവൻ മണിയുടെ സഹോദരൻ ആർഎൽവി രാമകൃഷ്ണനെ അധിക്ഷേപിക്കുന്ന നിലയിലുള്ള കലാമണ്ഡലം സത്യഭാമയുടെ പ്രസ്താവന വിവാദമായിരുന്നു. പല കോണിൽ നിന്നും...