ഉച്ചഭക്ഷണം കഴിക്കുന്ന കാര്യത്തിൽ സ്ത്രീകൾ അല്പം മടിയുള്ളവർ ആണ്. മിക്കവാറും രാവിലെ കഴിച്ച ലഘു ഭക്ഷണത്തിന്റെ പേരിൽ അവർ വീടെത്തുന്നത് വരെ പിടിച്ചു നിൽക്കും.
ഈ പ്രവണത ആരോഗ്യത്തിന് തികച്ചും മോശമാണ്.
ഒരു നേരം ആഹാരം വൈകുകയോ, ഒഴിവാക്കുകയോ ചെയ്യുന്നത് ശരീര പ്രവർത്തനങ്ങളുടെ സ്വാഭാവിക താളത്തെ ഇല്ലാതാക്കാം.
ഉച്ച ഭക്ഷണം ഒഴിവാക്കുന്നതിലൂടെ ശരീരത്തിലെ ഷുഗറിൻ്റെ അളവ് ക്രമാതീതമായി കുറയും. ഇത് പിന്നീട് പൂർണമായും ശരീരത്തെ ബാധിക്കും.
തലവേദന, വിഷാദം എന്നിവ രൂപപ്പെടാൻ തുടങ്ങും. ആഹാരം തെറ്റുമ്പോൾ ശരീരത്തിൽ ഉത്പാദിപ്പിക്കപ്പെടുന്ന ഹോർമോണുകളുടെ അളവിലും മാറ്റങ്ങൾ ഉണ്ടാകും. ഇത് മാനസിക സമ്മർദ്ധത്തിനും കാരണമാകും.
അമിത വണ്ണം കുറയ്ക്കാനായി ഉച്ചഭക്ഷണം ഒഴിവാക്കുന്ന സ്ത്രീകളില് മാനസിക പിരിമുറുക്കം ഉണ്ടാകാമെന്നും പഠനത്തിൽ പറയുന്നു.
സ്ത്രീകള്ക്ക് പോഷകഗുണമുള്ള ആഹാരം കൂടുതലായി ആവശ്യമാണ്. അവരുടെ ശരീരികാരോഗ്യത്തിന് മാത്രമല്ല മാനസികാരോഗ്യകത്തിനും അവ ആവശ്യമാണെന്നും പഠനത്തിൽ പറയുന്നു.
പോഷകഹാരത്തിന്റെ കുറവ് മൂലം സ്ത്രീകളില് മാനസിക ക്ലേശം, പിരിമുറുക്കം തുടങ്ങിയ പ്രശ്നങ്ങള് കണ്ടെത്തിയതായി ഗവേഷകര് പറയുന്നു.
സ്ത്രീകളില് ഉല്കണ്ഠ, വിഷാദരോഗം എന്നിവ കൂടുതലായി കാണപ്പെടുന്നതും ഭക്ഷണത്തിലെ പോഷക കുറവ് കാരണമാണ് .