സംവിധായകൻ അല്ഫോണ്സ് സംഗീത സംവിധായകൻ ഇളയരാജയുമായി ഒന്നിക്കുന്നു. പുതിയ ഒരു സിനിമയ്ക്കായി ഇളയരാജ സാറുമായി ഒന്നിക്കുന്നു എന്ന് അല്ഫോണ്സാണ് ആരാധകരെ അറിയിച്ചത്.
റോമിയോ പിക്ചേഴ്സുമായുള്ള സിനിമയ്ക്ക് ശേഷമായിരിക്കും ഇത് എന്നും അല്ഫോണ്സ് വ്യക്തമാക്കി. അല്ഫോണ്സ് പുത്രന്റെ സിനിമയില് ഇത് ആദ്യമായിട്ടായിരിക്കും ഇളയരാജ പ്രവര്ത്തിക്കുന്നത്. അല്ഫോണ്സിന്റെ പുതിയ ചിത്രം റോമിയോ പിക്ചേഴ്സാണ് നിര്മിക്കുന്നത്.
അല്ഫോണ്സ് പുത്രൻ സംവിധാനം ചെയ്ത് ഒടുവിലായി പ്രദര്ശനത്തിനെത്തിയത് ‘ഗോള്ഡ്’ ആണ്. ‘ഗോള്ഡ്’ എന്ന ചിത്രത്തില് പൃഥ്വിരാജ് നായകനാകുമ്പോള് പ്രധാന സ്ത്രീ കഥാപാത്രമായി എത്തിയത് ലേഡി സൂപ്പര്സ്റ്റാര് നയൻതാരയാണ്.
എന്നാൽ അല്ഫോണ്സ് പുത്രൻ ചിത്രത്തിന് തിയറ്ററുകളില് മികച്ച പ്രതികരണമായിരുന്നില്ല ലഭിച്ചത്. ലിസ്റ്റിന് സ്റ്റീഫനുമൊപ്പം പൃഥ്വിരാജും ചേര്ന്നായിരുന്നു ചിത്രത്തിന്റെ നിര്മ്മാണം.